احسان مانی کا توسیع لینے سے انکار ،نئے چیئرمین پی سی بی کا اعلان بھی ہوگیا، معروف کرکٹر کو وزیر اعظم ہائوس سے فون کال موصول

اسلام آباد ( آن لائن ) وزیراعظم عمران خان نے سابق ٹیسٹ کرکٹر و معروف کمنٹیٹر رمیز راجہ کی بطور چیئرمین پاکستان کرکٹ بورڈ ( پی سی بی) تقرری کی منظوری دیدی۔ وزیراعظم آفس نے رمیز راجہ کو فون کرکے چیئرمین پی سی بی بنانے کی اطلاع دی جبکہ رمیز راجہ
نے چیئرمین پی سی بی کا عہدہ قبول کرنے کی تصدیق کر دی ۔ ذرائع کا کہنا ہے کہ سابق چیئرمین پی سی بی احسان مانی نے مزید توسیع لینے اور کام کرنے سے انکار کردیا تھا جس کے بعد وزیراعظم نے سابق کپتان پاکستان کرکٹ ٹیم رمیز راجہ کو بطور چیئرمین پی سی بی تقرری کی منظوری دیدی ہے اور اس حوالے سے وزیراعظم آفس نے رمیز راجہ کو فون کر کے چیئرمین پی سی بنانے کی اطلاع بھی دیدی ہے ۔ وزیراعظم آفس سے چیئرمین پی سی بی کی تقرری کی اطلاع موصول ہونے کے بعد سابق کپتان نے بھی اس بات کی تصدیق کردی ہے کہ ان کا بطور چیئرمین پی سی بی تقرر کر دیا گیا ہے ۔ غیر ملکی میڈیا سے گفتگو کرتے ہوئے رمیز راجہ نے کہا کہ میں نے پی سی بی چیئرمین کا عہدہ قبول کر لیا ہے وزیراعظم عمران خان کے اعتماد پر شکر گزار ہوں، مجھے سپورٹ اور دعائوں کی ضرورت ہے ۔ انہوں نے کہا کہ بہتری کا حصول میرا ہدف ہے چیئرمین پی سی بی بننا میرے لیئے اعزاز کی بات ہے۔

Leave a Reply

Your email address will not be published. Required fields are marked *