سوئی سدرن گیس کمپنی نے 2 ہزار ملازمین کو فارغ کردیا

کراچی(این این آئی)سوئی سدرن گیس نے سپریم کورٹ کے فیصلے کی روشنی میں 2 ہزارملازمین کو فارغ کردیا۔برطرف ملازمین کی جانب سے ایس ایس جی سی ہیڈ آفس کے باہر احتجاجی مظاہرہ کیاگیا۔
تفصیلات کے مطابق سوئی سدرن گیس کمپنی نے سپریم کورٹ کے فیصلے کی روشنی میں 2 ہزارملازمین کو فارغ کردیا ہے، ان ملازمین میں 1600جونیئر رینک مزدور، ڈرائیور اور دیگر اسٹاف جب کہ 400 افسران بھی شامل ہیں۔دوسری جانب بدھ کو ملازمین نے اپنی برطرفی کے خلاف ایس ایس جی سی ہیڈ آفس کے باہر احتجاجی مظاہرہ کیا، مظاہرین ایم ڈی اور انتظامیہ کیخلاف شدید نعرے بازی کی۔برطرف ملازمین نے مطالبہ کیاکہ ملازمین کو نوکری سے نکالنے کا نوٹیفکیشن فوری واپس لیاجائے۔واضح رہے کہ پیپلزپارٹی کے دور میں مجموعی طور پر2 ہزار7 سو سے زائد ملازمین کو ایکٹ کے تحت بحال کیا گیا تھا۔

Leave a Reply

Your email address will not be published. Required fields are marked *