یہ خالہ جی کا ویڑہ نہیں ۔۔۔ شہباز شریف پریس کانفرنس کے دوران جذباتی ہو گئے

لاہور( مانیٹرنگ ڈیسک،این این آئی)اپوزیشن لیڈر قومی اسمبلی اورپاکستان مسلم لیگ ن کے صدر شہباز شریف پریس کانفرنس کے دوران جذباتی ہو گئے اور کہا کہ مسلم لیگ ن کے دور میں لوڈ شیڈنگ کا خاتمہ کیا گیا ، یہ خالہ جی کا واڑہ نہیں تھا ۔

شہباز شریف نے پریس کانفرنس کرتے ہوئے مزیدکہا کہ ہمیں لوڈ شیڈنگ کا عذاب ورثے میں ملا جب 16,16گھنٹے کی لوڈ شیڈنگ تھی ، لوگ ہاتھ سے پنکھا جھلتے تھے ، میں نے خود مینار پاکستان کے سایہ میں بیٹھ کر لوڈ شیڈنگ کے خلاف احتجاج ریکارڈ کرایا تھا ۔ نواز شریف کے ساتھ مل کر دن رات محنت کی اور مختلف پاور پلانٹس لگائے ، دن رات پاور پلانٹس کو چلانے کیلئے کام مکمل کئے جس کے بعد پاکستان سے لوڈ شیڈنگ کی لعنت سے چھٹکارا حاصل ہوا ۔دوسری جانب ایف آئی اے نے مسلم لیگ (ن) کے صدر شہبازشریف کے خلاف 25 ارب روپے کی منی لانڈرنگ کیس کی تفتیشی رپورٹ تیار کرلی ہے جسے عدالت میں جمع کرایا جائے گا ۔نجی ٹی وی نے ذرائع کے حوالے سے بتایا ہے کہ ایف آئی اے نے شہباز شریف سے 25 سوالات کیے تاہم انہوں نے ایک بھی سوال کا جواب نہیں دیا۔

Sharing is caring!

Categories

Leave a Reply

Your email address will not be published. Required fields are marked *