پروگرام میں تلخ کلامی قادرمندو خیل کا فردوس عاشق اعوان کو 58 ارب روپے ہرجانے کا نوٹس

کراچی(این این آئی)پیپلزپارٹی رکن قومی اسمبلی قادرمندوخیل نے نجی ٹی وی پروگرام میں تلخ کلامی اور نوک جھونک پر وزیر اعلی پنجاب عثمان بزدار کی معاون خصوصی فردوس عاشق اعوان کو لیگل نوٹس بھیج دیاہے۔نوٹس کے متن کے مطابق ٹی وی پروگرام میں فردوس عاشق

نے منتخب نمائندے کو تھپڑمارا، غلیظ زبان استعمال کی، فردوس عاشق اعوان 7روز میں معافی مانگیں ،58 ارب روپے ہرجانہ بھی ادا کریں۔لیگل نوٹس میں کہا گیا کہ ہمارے کلائنٹ قادر مندوخیل اپنے حلقے میں قابل احترام شخصیت ہیں، پروگرام میں فردوس عاشق اعوان نے قادر خان مندوخیل پر من گھڑت الزامات لگائے۔کہا گیا کہ قادرخان مندوخیل نے فردوس عاشق اعوان کو کرپشن کا آئینہ دِکھایا تو آپے سے باہر ہوگئیں۔ نوٹس میں مطالبہ کیا گیا کہ فردوس عاشق اعوان قادر مندوخیل سے تحریری طور پر غیر مشروط معافی مانگیں اور معافی نامہ پرنٹ اور الیکٹرونک میڈیا میں شائع کرایا جائے۔یاد رہے کہ گزشتہ ماہ وزیر اعلی پنجاب عثمان بزدار کی معاون خصوصی فردوس عاشق اعوان کی پیپلز پارٹی کے رہنما قادر مندو خیل سے ہاتھا پائی اور تلخ کلامی کی ویڈیو لیک ہوگئی تھی۔فردوس عاشق اعوان کا اس ویڈیو پر ردعمل میں کہا تھا کہ جو ویڈیو لیک کی گئی ہے وہ سلیکٹو ہے اسی لیے وہ چاہتی ہیں کہ مکمل ویڈیو لیک ہو۔

Sharing is caring!

Categories

Leave a Reply

Your email address will not be published. Required fields are marked *