چینی ویکسین لگوانے والے پاکستانیوں کو سعودیہ عرب، امریکہ اور انگلینڈ سمیت دیگر ممالک  کے سفر پرپابندی کا سامنا

اسلام آباد (این این آئی)کورونا وائرس سے بچاؤ کیلئے چین کی ویکسین لگوالینے والے پاکستانیوں کو سعودیہ عرب، امریکہ اور انگلینڈ سمیت دیگر ممالک کے سفر پرپابندی کا سامنا ہے۔ممبران کورونا ایکسپرٹ ایڈوائزری گروپ(سیاگ) کے مطابق کچھ ممالک میں چائنیز ویکسین کے بعد شہریوں کو فائزر کی بوسٹر ڈوز لگائی گئی تاہم پاکستان میں ایسی کوئی پالیسی زیر غور

نہیں ہے۔ممبرکورونا ایکسپرٹ ایڈوائزی گروپ کے ممبرڈاکٹر جاوید حیات خان نے بتایا کہ پاکستان میں ابھی ایسی کوئی پالیسی زیر غور نہیں کیونکہ ہمارے ہاں ابھی بہت سے لوگوں کو ویکسین لگنا باقی ہے۔انہوں نے بتایا کہ ڈبلیو ایچ او اس معاملہ کو دیکھ رہا ہے اور تمام ممالک کو کہہ رہا ہے کہ تمام مصدقہ ویکسین قبول کریں۔ممبران سیاگ کے مطابق ڈبلیو ایچ او اس معاملہ کو دیکھ رہا ہے اور جلد ہی تمام ممالک اپنی ویکسین کے حوالے سے پالیسی میں تبدیلی لائیں گے۔پاکستان سے بیرون ملک جانے کے خواہاں شہریوں کو اب موڈرنا ویکسین لگائی جا رہی ہے جس کی دوسری ڈوز کے لیے کم از کم 28 دن کا وقفہ لازم قرار دیا گیا ہے۔دوسری جانب کورونا وائرس کی جاری تیسری لہر کے دوران پاکستان کورونا مریضوں کی تعداد کے حوالے سے مرتب کی گئی فہرست میں 30 ویں نمبر پر پہنچ گیا ، چویبس گھنٹوں میں مزید 24مریض چل بسے ،1683نئے کیسز رپورٹ ہوئے ۔نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 1 ہزار 683 کیسز

سامنے آئے ہیں، مزید 24 افراد اس موذی وباء کے سامنے زندگی کی بازی ہار گئے، مزید 1 ہزار 84 کورونا مریض شفایاب ہو گئے، مثبت کیسز کی شرح 3 اعشاریہ 3 فیصد ہو گئی۔ملک بھر میں کورونا وائرس سے انتقال کرنے والے افراد کی مجموعی تعداد 22 ہزار 493 ہو گئی جبکہ کْل کورونا مریضوں کی تعداد 9 لاکھ 67 ہزار 633 ہو چکی ہے۔ملک بھر میں ہسپتالوں، قرنطینہ سینٹرز اور گھروں میں

کورونا وائرس کے کْل 34 ہزار 531 مریض زیرِ علاج ہیں، جن میں سے 1 ہزار 980 مریضوں کی حالت تشویش ناک ہے، کْل 9 لاکھ 10 ہزار 609 مریض اب تک اس بیماری سے شفایاب ہو چکے ہیں۔گزشتہ 24 گھنٹوں میں ملک میں کورونا وائرس کے مزید 50 ہزار 531 ٹیسٹ کیئے گئے، اب تک کْل 1 کروڑ 49 لاکھ 11 ہزار 743 کورونا ٹیسٹ کیئے جا چکے ہیں۔پاکستان بھر میں گزشتہ 24 گھنٹوں کے

دوران 4 لاکھ 12 ہزار 238 افراد کو کورونا وائرس کی ویکسین دی گئی، اب تک کْل 1 کروڑ 82 لاکھ 28 ہزار 235 کورونا ویکسین کی خوراکیں دی جا چکی ہیں۔پنجاب میں کورونا وائرس کے مریضوں کی تعداد دیگر صوبوں سے زیادہ ہے، یہاں اب تک 3 لاکھ 47 ہزار 347 کورونا کے مریض رپورٹ ہوئے ہیں، یہاں کْل ہلاکتیں بھی دیگر صوبوں سے زیادہ ہیں جو 10 ہزار 798 ہو چکی ہیں۔سندھ میں کورونا وائرس کے مریضوں کی تعداد 3 لاکھ

43 ہزار 303 ہو چکی ہے، اس سے کْل اموات 5 ہزار 552 ہو گئیں۔خیبر پختون خوا میں کورونا وائرس کے مریضوں کی تعداد 1 لاکھ 38 ہزار 855 ہو چکی ہے، اس سے یہاں کْل اموات 4 ہزار 346 ہو گئیں۔وفاقی دارالحکومت اسلام آباد میں 83 ہزار 259 کورونا وائرس سے متاثرہ مریض اب تک سامنے آئے ہیں، اب تک یہاں کْل 781 افراد اس وباء سے جان کی بازی ہار چکے ہیں۔

کورونا وائرس کے بلوچستان میں 27 ہزار 502 مریض اب تک رپورٹ ہوئے ہیں جہاں 315 افراد اس مرض سے انتقال کر چکے ہیں۔آزاد جموں و کشمیر میں کورونا وائرس کے اب تک 20 ہزار 728 مریض رپورٹ ہوئے ہیں، اس کے باعث اب تک یہاں کْل 590 مریض وفات پا چکے ہیں۔گِلگت بلتستان میں 6 ہزار 639 کورونا وائرس کے مریض سامنے آئے ہیں ،اس سے اب تک 111 افراد جاں بحق ہوئے ہیں۔

Sharing is caring!

Categories

Leave a Reply

Your email address will not be published. Required fields are marked *