بلاول بھٹو کا طیارہ بڑے حادثے سے بال بال بچ گیا، طیارے کی ملتان میں ہنگامی لینڈنگ

ملتان/اسلام آباد(این این آئی)پیپلز پارٹی کے چیئرمین بلاول بھٹو زداری کا طیارہ نے فنی خرابی کے سبب ملتان ایئرپورٹ پر ہنگامی لینڈنگ کی۔ اتوار کو بلاول بھٹو زرداری کے طیارے میں فنی خرابی سامنے آئی ہے جس کے سبب ان کے طیارے کی ملتان ایئرپورٹ پر ہنگامی لینڈں گ کرنی پڑی۔طیارے میں سعید غنی، ناصر حسین شاہ بھی بلاول بھٹو کے ساتھ تھے۔ فنی خرابی کی وجہ سے بلاول بھٹو زرداری کیلئے ایئرپورٹ پر گاڑیوں کا انتظام کیا گیا اور وہ بذریعہ سڑک اسلام آباد روانہ ہوئے۔بلاول بھٹو شاہ رکن عالم انٹرچینج سے موٹروے پر روانہ ہوئے اور وہ اسلام آباد

میں پارٹی کے اہم امور انجام دیں گے۔بلاول بھٹو پیر کو آزادکشمیر الیکشن سے متعلق پارٹی مہم کا آغاز کریں گے۔ دوسری جانب ترجمان سندھ حکومت،مشیر قانون، ماحولیات و ساحلی ترقی بیرسٹر مرتضی وہاب نے کہاہے کہ لینڈ گریبنگ، بیواؤں اور غریبوں کی زمینیں ہتھیانا پی ٹی آئی کے لوگوں کا محبوب مشغلہ ہے،چیئرمین پیپلز پارٹی بلاول بھٹو زرداری سے متعلق بات کرکے شہباز گل صرف اپنا سیاسی قد بڑھانے کی ناکام کوشش کرتے ہیں۔خصوصی گفتگو کرتے ہوئے بیرسٹرمرتضی وہاب نے کہاکہ پی ٹی آئی تہذیب اور اخلاق سے ناآشنا ہے، اس نے سیاست میں گالم گلوچ، بدتہذیبی، عدم برداشت کو پروان چڑھایاہے۔انہوں نے کہاکہ جب سے سلیکٹڈ سرکار اقتدار میں لائی گئی ہے اس وقت سے پارلیمینٹ کو بے توقیر کرنے کی کوششیں جاری ہیں۔انہوں نے کہاکہ شہباز گل جیسے لوگ کرائے پر کام کرنے کے بعد رفو چکر ہوجاتے ہیں، شہباز گل کی پہچان یہ ہے کہ وہ حلیم عادل جیسے لوگوں کے ساتھ بیٹھ کر پریس کانفرنس کرتے ہیں۔بیرسٹر مرتضی وہاب نے کہا کہ لینڈ گریبنگ، بیواؤں اور غریبوں کی زمینیں ہتھیانا پی ٹی آئی کے لوگوں کا محبوب مشغلہ ہے۔انھوں نے کہا کہ وہ دن دور نہیں جب شہباز گل پی ٹی آئی کو اس کے حال پر چھوڑ کر دیار غیر میں ہوں گے۔انہوں نے کہاکہ چیئرمین پیپلز پارٹی بلاول بھٹو زرداری اس ملک کا مستقبل اور بھٹو کا نواسہ ہے۔پیپلز پارٹی اس ملک کے لیے قربانیاں دینے والی واحد جماعت ہے۔

Sharing is caring!

Categories

Comments are closed.