دبئی میں منعقدہ مقابلے میں پاکستانی قاری سلمان محمود المدنی نے دوسری پوزیشن حاصل کرلی 20 ہزار درہم انعام دیا گیا

لاہور( این این آئی)دبئی میں دنیا بھر کے 200 قاریوں کے درمیان مقابلے میں پاکستانی قاری سلمان محمود المدنی نے دوسری پوزیشن حاصل کرلی۔وفاق المدارس سلفیہ کے قاری سلمان محمود نے اپنی پرسوز آواز میں ایسی قرات کی کہ سماں باندھادیا۔حاکم دبئی شیخ محمد راشد آل مکتوم کی سرپرستی میں منعقدہ اس مقابلے میں قاری سلمان محمود نے مقابلہ حسن قرات میں دوسری

پوزیشن حاصل کی۔ انہیں 20 ہزار درہم انعام دیا گیا۔ مقابلے میں امارت کے قاری نے پہلی جبکہ بنگلادیش کے قاری نے تیسری پوزیشن حاصل کی۔دبئی میں ہونے والے مقابلہ حسن قرآت میں خوبصورت اور دلوں میں اثر کرنے والی قرات سننے کو ملی۔ ایمان افروز مناظر تھے۔جب قاری سلمان محمود کو پکاراگیا تو انہوں نے اپنے منفرد انداز میں سماں باندھ دیا۔ججوں کا ماننا تھا کہ قاری سلمان محمود نے بہترین قرات کی ہے اسی لیے انہیں اس مقابلے میں دوسرا انعام دیا گیا۔قار ی سلمان محمود کو شیلڈ کے ساتھ بیس ہزار درہم کی انعامی رقم بھی دی گئی۔ ثقافت و انسانی امور کے وزیر شیخ محمد ابراہیم بوملح نے کامیاب قاریوں میں انعامات تقسیم کیے۔انٹرنیشنل قرآن ایوارڈ ہرسال دبئی میں منعقد ہوتا ہے۔قار ی سلمان محمود کا تعلق برصغیر کے معروف علمی خانوادے بڈھیمالوی سے ہے۔ تاندلیانوالہ سے تعلق رکھتے والے قار ی سلمان کے والد قاری محمودالحسن بڈھیمالوی پاکستان کے نامور قاری ہیں۔قار ی سلمان محمود مدینہ یونیورسٹی سے فارغ التحصیل ہیں وہ جامعہ سلفیہ فیصل آباد اور جامعہ رحمانیہ لاہور میں زیر تعلیم رہے۔ان کے 6بہن بھائی قرآ ن کے حافظ اورقاری ہیں۔اس اعزاز پر مرکزی جمعیت اہل حدیث کے سربراہ اوروفاق المدارس سلفیہ کے صدر سینیٹر پروفیسر ساجد میر نے قاری سلمان محمودکو مبارکبا د پیش کی اور کہا کہ بلاشبہ یہ اعزاز حاصل کرکے انہوں نے پاکستان کا سرفخر سے بلند کردیا ہے۔

Sharing is caring!

Categories

Comments are closed.