جولائی میں کرونا وائرس کی چوتھی لہر آسکتی ہے ، وفاقی وزیر اسد عمر نے عوام کو خبر دار کر دیا

اسلام آباد (مانیٹرنگ ڈیسک )سربراہ نیشنل کمانڈ اینڈ آپریشن سنٹر اسد عمر کا کہنا ہے کہ جولائی میں کورونا کی چوتھی لہر نمودار ہوسکتی ہے،عوام سے ویکسین لگوانے اور ایس او پیز پر عملدرآمد کرنے کی درخواست کردی۔ تفصیلات کے مطابق وفاقی وزیر اسد عمر نے

اپنی سماجی رابطے کی ویب سائٹ ٹویٹر پر جاری پیغام میں کہا ہے کہ این سی او سی میں آج مصنوعی ذہانت پر مبنی بیماریوں کے ماڈلنگ تجزیے کا جائزہ لیا گیا، سخت ایس او پی پر عمل درآمد اور مستحکم ویکسی نیشن پروگرام کی عدم موجودگی سے جولائی میں پاکستان میں کورونا وائرس کی چوتھی لہر نمودار ہوسکتی ہے۔ انہوں نے عوام سے اپیل کرتے ہوئے کہا کہ مہربانی ایس او پیز پر عمل کریں اور جتنی جلدی ہوسکے ویکسی نیشن کروائیں۔ دوسری جانب کورونا وائرس کی شدت ہر گزرتے دن کے ساتھ دم توڑ رہی ہے۔ 24 گھنٹوں کے دوران کورونا کے 49 مریض سامنے آئے جبکہ 24 گھنٹوں کے دوران شہر میں مزید 2 اموات رپورٹ ہوئیں۔ ہسپتالوں میں مجموعی طور پر 223 افراد زیر علاج ہیں جن میں 96 کنفرم اور 133 مشتبہ افراد ہیں۔ سرکاری ہسپتالوں میں 196 اور نجی ہسپتالوں میں 27 افراد زیر علاج ہیں، تشویشناک مریضوں کی تعداد 59 ہے اور وینٹی لیٹرز پر زیر علاج ہیں اور مریضوں کی تعداد میں کمی سے ہسپتالوں کے آئی سی یوز میں 76 فیصد بیڈز خالی ہوگے ہیں۔

Sharing is caring!

Categories

Comments are closed.