بلین ٹری منصوبہ پاکستان کیلئے اعزازبن گیا

لاہور(این این آئی)وزیر اعظم کے معاون خصوصی ڈاکٹر شہباز گل نے کہا ہے کہ بلین ٹری منصوبہ پاکستان کیلئے اعزازبن گیا ہے، وزیراعظم نے آنے والی نسلوں کی بہتری کیلئے بلین ٹری منصوبہ شروع کیا۔سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ

جولائی 2020سے مارچ 2021کے دوران حکومت نے 814 ملین نئے درخت لگائے، بلین ٹری منصوبے پرمخالفین تنقیدکرتے ہوئے گھٹیاسیاست چمکاتے رہے، بلین ٹری منصوبہ پاکستان کیلئے اعزازبن گیا ہے اور ماحولیاتی تبدیلیوں کے حوالے سے پاکستان کے اقدامات کو دنیا نے سراہا۔شہبازگل نے کہا کہ ماضی میں ٹمبر مافیا نے جنگل کاٹ کرخزانے کو کھربوں کا نقصان پہنچایا، ملک میں ماحولیاتی تبدیلی کے شدید اثرات کے ذمہ داربھی یہی لوگ تھے، ماضی کے حکمرانوں نے مافیاکوبھی چندٹکوں کیلئے کھلی چھوٹ دے رکھی تھی، ان کے نزدیک ملک کامستقبل نہیں ان کی نسلوں کا مستقبل اہم تھا۔انہوںنے کہا کہ وزیراعظم عمران خان نے کہاکہ انہیں آنے والی نسلوں کی فکر ہے، وہ صرف وزیراعظم کاجملہ نہیں بلکہ ان کاایمان تھا، اسی مقصدکیلئے وزیراعظم عمران خان نے مشکل ترین جنگ لڑی، وزیراعظم نے آنے والی نسلوں کی بہتری کیلئے بلین ٹری منصوبہ شروع کیا۔

Sharing is caring!

Categories

Comments are closed.