اورنج لائن میٹرو ٹرین منصوبہ پھر ٹرانسپورٹ پنجاب کا سارا بجٹ ہڑپ کر گیا،تہلکہ خیز انکشاف

لاہور(این این آئی) اورنج لائن میٹرو ٹرین منصوبہ پھر ٹرانسپورٹ پنجاب کا سارا بجٹ ہڑپ کر گیا۔نجی ٹی وی کے مطابق ٹرانسپورٹ منصوبوں کیلئے مختص بجٹ کا 92 فیصد صرف ایک ٹرین پر خرچ ہوگا۔دستاویزات کے مطابق پنجاب حکومت نے آئندہ مالی سال میں محکمہ ٹرانسپورٹ پنجاب کیلئے 16 ارب 80 کروڑ کا بجٹ مختص کیا ہے۔

16 ارب 80 کروڑ میں سے 15 ارب 59 کروڑ 71 لاکھ صرف اورنج لائن میٹرو ٹرین منصوبے پر خرچ ہونگے۔ پنجاب میں ٹرانسپورٹ کے باقی منصوبوں کیلئے باقی ماندہ صرف ایک ارب 20 کروڑ خرچ ہونگے۔ 15 ارب 77 کروڑ براہ راست اورنج لائن میٹرو ٹرین منصوبے پر خرچ ہونگے۔بجٹ دستاویزات کے مطابق اورنج لائن میٹرو ٹرین منصوبے کے سپورٹ سروسز پر 27 کروڑ 80 لاکھ اور پیکج ٹو پر 3 کروڑ 12 لاکھ 50 ہزار خرچ ہونگے۔ اورنج لائن میٹرو ٹرین منصوبے کے پیکج تھری پر 3 کروڑ 12 لاکھ 50 ہزار اور پیکج فور یارڈ پر بھی 3 کروڑ 12 لاکھ 50 ہزار روپے خرچ ہونگے۔دوسری جانب تر جمان پنجاب حکومت ڈاکٹر شاہد صد یق نے کہ ہے کہ لیگی ممبران اپنے کلچر کو پنجاب کے کلچر کا نام نہ دیں،شیخ روحیل اصغر کا بیان انتہا ئی افسو سناک، شیخ روحیل غیر ذمہ دارانہ بیان پر معافی مانگیں،پارلیمنٹ میں خوا تین پر حملہ کرنے والے عوام کے نمائندے کہلانے کے حق دار نہیں ہیں۔اپنے بیان میں انہو ں نے کہاکہ(ن) لیگ سیاست میں تشدد اور کرپشن کو پروان چڑھایا، پنجاب کا کلچر پیار محبت یگانگت اور امن ہے،خواتین پارلیمنٹرین پر حملہ پارلیمانی تاریخ کا افسوسناک واقعہ ہے،بہترین بجٹ پیش کرنے پر اپوزیشن اوچھے ہتھکنڈوں پر اتر آئی ہے۔ انہو ں نے کہاکہ پاکستان عوام اور پوری دنیا نے دیکھ لیا ہے

کہ(ن) لیگ سیاسی پارٹی نہیں بلکہ غنڈہ گردوں، ہلڑ بازوں اور حملہ کرنے والوں کی جماعت ہے، لیگی قیاد ت اپنے کیسو ں سے توجہ ہٹانے کیلئے جو ڈرامے باز یاں کررہی ہے یہ ان کیلئے مزید مسا ئل پیدا کریں گی لہٰذا لیگی قیاد ت اپنے گلوں بٹو ں کو لگام ڈالے خوا تین پر حملے کرنے میں جو بھی ممبران ملو ث ہیں ان کیخلا ف لیگی قیاد ت خود کاروائی کرے ورنہ قانون خود اپنا را ستہ بنائے گا۔

Sharing is caring!

Categories

Comments are closed.