مالی سال2021-22 :کریڈٹ کارڈ  استعمال کرنے والوں کیلئے سکیم کا اعلان

اسلام آباد (آن  لائن) مالی سال2021-22 کے بجٹ میں حکومت کی جانب سے مختلف بینکوں کے کریڈٹ کارڈ  صارفین کو خوشبخری سنا دی ۔بجٹ دستاویزات کے مطابق کریڈٹ کارڈ کے ذریعے بلوں کی ادائیگی کرنے والے صارفین کیلئے انعامی سکیم کا اعلان کیا گیا ہے تا کہ

صارفین کریڈٹ کارڈ کا استعمال زیادہ سے زیادہ کریں ۔اس سکیم کے تحت صارفین کی جانب سے زیادہ سے زیادہ کریڈٹ کارڈ استعمال کرنے پر سالانہ ہزاروں روپے کی بچت ہوگی۔دوسری جانب  مالی سال 2021-22 کے بجٹ میں بھاشا اور داسو ڈیم کے لئے84 ارب 10 کروڑ مختص کئے گئے ہیں ۔بجٹ دستاویزات کے مطابق مالی سال 2021-22 کے بجٹ میں دیامر بھاشا ڈیم اور داسو ڈیم کیلئے 84 ارب 10 کروڑ روپے مختص کئے گئے ہیں،سندھ کے چھوٹے ڈیمز کیلئے 25 ارب روپے رکھے گئے ہیں۔ کچھی کینال ، آواران، وینڈر اور پنجگور ڈیم کیلئے 8 ارب 20 کروڑ روپے متخص کئے۔پنجاب میں غیر اور پپین ڈیم کیلئے 3 ارب 65 کروڑ روپے مختص کئے گئے۔دستاویزات کے مطابق   ٹرانسمیشن سسٹم کی اپر گریڈیشن کیلئے 100 ارب روپے مختص کئے گئے ہیں،  کراچی کے کے ٹو ، کے تھری کوسٹل پاور پراجیکٹ کیلئے 16 ارب 50 کروڑ روپے رکھے گئے ہیں۔تربیلا پانچویں توسیعی منصوبے کیلئے بجٹ میں 4 ارب 60 کروڑ روپے مختص کئے گئے ہیں جبکہ سکھی کیناری منصوبے سے بجلی کے حصول کیلئے 5 ارب 50 کروڑ روپے روپے مختص  کئے گئے۔دریں اثنا وزیر اعظم عمران خان نے کہا ہے کہ بجٹ سے پی ڈی ایم کے علاوہ پورا ملک خوش ہو جائے گا ۔جمعہ کے روز وفاقی حکومت  کے  مالی سال2021-22 کا بجٹ پیش  کرنے سے قبل  وزیر اعظم عمران خان، وفاقی وزراء اور اراکین قومی اسمبلی کے ہمراہ 2 بجکر50 منٹ پر پارلیمنٹ ہائوس پہنچے جہاں پر ایوان کی گیلری میں صحافیوں نے وزیر اعظم کو گھیر   لیا اور ان سے سوال کیا  گیا کہ کیا بجٹ عوام دوست ہوگا ؟جس کا وزیر اعظم عمران خان نے  مختصر جواب دیتے ہوئے کہا کہ بجٹ عوام دوست ہی ہے ،سب خوش ہوں گے بلکہ پی ڈی ایم میں شامل جماعتوں کے علاوہ پورا ملک خوش نظر آئے گا ۔

Sharing is caring!

Categories

Leave a Reply

Your email address will not be published. Required fields are marked *