ایک اور مسافر ٹرین الٹ گئی

اسلام آباد،گھوٹکی (مانیٹرنگ ڈیسک، این این آئی)پشاور سے کراچی جانے والی مسافرٹرین خیبر میل کی ایک بوگی پٹڑی سے اتر گئی تاہم کسی قسم کا کوئی نقصان نہیں ہوا ۔میڈیا رپورٹس کے مطابق پشاور سے کراچی جانے والی خیبر میل کی بوگی نمبر ایک کو حادثہ کوٹری پل کے قریب پیش آیا ، بوگی کے دو ویل ڈی ٹریک ہونے کی وجہ سے مسافروں نے

چیخ و پکار شروع کر دی جس پر ڈرائیور نے ٹرین کوفوری طور پرر وک دیا ۔ رینجرز اور پولیس نے موقع پر پہنچ کر تمام مسافروں کو بحفاظت نکال لیا ہے ۔حادثے کے باعث ڈائون ٹریک مکمل طور پر بند ہو گیا ہے ۔ ریلوے ذرائع کا کہناہے کہ جلد ہی ٹریک کو کلیئر کرتے ہوئے ٹرین کو روانہ کر دیا جائے گا ۔دوسری جانب سندھ کے ضلع گھوٹکی کے شہر ڈہرکی کے قریب پیش آنے والے ٹرین حادثے کی ابتدائی تحقیقاتی رپورٹ تیار کر لی گئی۔ٹرین حادثے کی ابتدائی تحقیقاتی رپورٹ کے مطابق حادثہ اپ ٹریک کی دائیں پٹری کا ویلڈنگ جوائنٹ ٹوٹنے کے سبب پیش آیا،آپ ٹریک کی دائیں پٹری کا جوڑ ویلڈنگ سے جڑا ہوا تھا، جو ٹوٹا ہوا پایا گیا۔پٹری کا جوڑ ٹوٹنے سے ملت ایکسپریس کی 12 مسافر کوچز ڈائون ٹریک پر گر گئیں۔ڈائون ٹریک پر کراچی جانے والی سرسید ایکسپریس ملت ایکسپریس کی کوچز سے ٹکرا گئی۔حادثے کے نتیجے میں سر سید ایکسپریس کا انجن اور 4 کوچز پٹری سے اتر گئیں۔تحقیقاتی رپورٹ میں کہا

گیا کہ ملت ایکسپریس کا انجن اور 6 مسافر کوچز ٹریک پر ہی رہیں، سرسید ایکسپریس کی 12 مسافر کوچز ٹریک پر ہی رہیں۔حادثے کی شکار ٹرینوں کے انجنوں کے بلیک باکس کا ڈیٹا نکالا جا رہا ہے، بلیک باکس سے حاصل ہونے والی معلومات کو وفاقی انسپکٹرز آف ریلویز کی تحقیقات میں شامل کیا جائے گا۔تحقیقاتی رپورٹ میں کہا گیا کہ سرسید ایکسپریس راولپنڈی سے کراچی کے لیے جا رہی تھی، جبکہ ملت ایکسپریس کراچی سے سرگودھا جا رہی تھی۔

Sharing is caring!

Categories

Leave a Reply

Your email address will not be published. Required fields are marked *