پہلی بیوی سے اجازت کے بغیر دوسری شادی کرنے والے شوہر کو قیدوجرمانہ کی سزاسنا دی گئی

فیصل آباد(این این آئی) محلہ اشرف آباد کی رہائشی زاہدہ حنیف کی شادی قائداعظم پارک مانانوالہ کے رہائشی ارشد علی سے 8 نومبر1996ء کو ہوئی اور انکے ہاں تین بچے 17سالہ زوہیب ‘16سالہ شاہ زیب اور 14سالہ نمرہ پیدا ہوئے جوکہ حیات ہیں اور مختلف سکول وکالجز میں زیرتعلیم ہیں ۔

بعدازاں محمد ارشد نے زاہدہ حنیف سے اجازت لئے بغیر 10جون 2013ء کو قائداعظم پارک کی رہائشی عفت جبیں دختر اصغرعلی سے دوسری شادی کر لی ۔دوسری شادی کا انکشاف ہونے پر پہلی بیوی زاہدہ حنیف نے اپنے شوہر کے خلاف یکم اپریل 2015ء کو سول جج درجہ اول محمد صغیر کے استغاثہ دائر کیا تواستغاثہ کی سماعت کے بعد 6اپریل 2021ء کو سول جج نے ملزم شوہر کو تین دن قید اور پانچ ہزار روپے جرمانہ کی سزا کا حکم سنایا تھا عدم ادائیگی جرمانہ کی صورت میں مزید 5دن قید بھگتنا ہوگی تاہم سزا کم ہونے پر خاتون نے ایڈیشنل ڈسٹرکٹ اینڈ سیشن جج شہزاد احمد کے معروف قانون دان عمران کینتھ کی وساعت سے سزا کم ہونے پر اپیل کی تو فاضل جج نے دوران سماعت جرم ثابت ہونے پر ملزم ارشد علی کو ایک سال قید پانچ ہزار جرمانہ کی سزا کاحکم سنادیا عدم ادائیگی جرمانہ کی صورت میں ملزم کو مزید دس دن قید سخت بھگتنا ہوگی اور ملزم کے دائمی وارنٹ گرفتاری جاری کرتے ہوئے گرفتار کرنیکا حکم دے دیا۔

Sharing is caring!

Categories

Leave a Reply

Your email address will not be published. Required fields are marked *