کویت نے پاکستان کیلئے ورک ویزا کا اجرا شروع کردیا‎

اسلام آباد (مانیٹرنگ ڈیسک/آن لائن) تحریک انصاف کے رہنما و وفاقی وزیر اطلاعات و نشریات فواد چودھری نے کہا ہے کہ کویت نے 10بعد پاکستان کیلئے ویزا کا اجراء شروع کر دیا ہے ۔ سماجی رابطوں کی ویب سائٹ ٹوئٹر پر جاری بیان میں فواد چوہدری نے کہا کہ‏اچھی خبروں کا سلسلہ جاری ہے، کویت نے 10 سال بعد پاکستان کیلئے ورک ویزا کا اجراء شروع کردیا ہے

وفاقی وزیر اطلاعات فواد چوہدری نے کہاہے کہ کورونا فرنٹ پر پاکستان کی ریکوری نے دنیا کو حیران کر دیا ہے،بجٹ میں تنخواہ دار طبقے کو بڑا ریلیف ملے گا، مہنگائی کے ساتھ ساتھ عوام کی قوت خرید بھی بڑھی ہے۔دوسری جانب وفاقی وزیرداخلہ شیخ رشید کی کوششوں سے کویت نے10سال بعد پاکستانیوں کیلئے ویزہ بحال کردیا۔تفصیلات کے مطابق وزیر داخلہ شیخ رشید احمد نے کویت کے وزیراعظم شیخ صباح خالدالحامدالصباح سے ملاقات کی، جس میں ویزہ کی بحالی، دوطرفہ تعلقات کے فروغ سمیت مختلف باہمی دلچسپی کے امور پر تبادلہ خیال ہوا۔ملاقات کے دوران کویت کے وزیر داخلہ اور پاکستانی سفیر بھی ملاقات میں موجود تھے۔ملاقات کے دوران وزیر داخلہ نے کویتی وزیر اعظم کو وزیر اعظم عمران کا خصوصی مراسلہ بھی پیش کیا۔کویتی وزیر اعظم اور وزیر داخلہ شیخ رشید احمد ملاقات میں اہم فیصلے کیے گئے جن میں پاکستان اور کویت کے درمیان فیملی اور بزنس ویزا کی فوری بحالی،پاکستانی ورکرز کو معاہدے کے مطابق کویتی ویزا جاری کرنے پراتفاق ہوا۔ملاقات میں طے پایا کہ میڈیکل اور آئیل فیلڈ میں ٹیکنیکل ویزا پر کوئی پابندی نہیں ہوگی،خلیج ممالک میں رہنے والے پاکستانی آن لائن ویزا لے کر اب کویت آسکیں گے۔ملاقات کے دوران کویتی وزیراعظم نے گفتگو کرتے ہوئے کہاکہ پاکستان اور کویت کے درمیان تعلقات سات دہائیوں پر محیط ہیں،پاکستان اور کویت کے عوام کے درمیان پیار اور اعتماد کا رشتہ ہے۔ اس موقع پر وفاقی وزیرداخلہ شیخ رشید کا کہنا تھا کہ پاکستان اور کویت کے درمیان تعلقات انتہائی دیرینہ ہیں،باہمی تعلقات کی بنیاد باہمی بھائی چارہ اور محبت ہے۔ وزیر داخلہ شیخ رشید احمد نے کہاکہ تمام پاکستانی کویت کو اپنا دوسرا گھرسمجھتے ہیں،پاکستانی خاندانوں اور کاروباری طبقے کو کویتی ویزا بندش سے بے پناہ مسائل درپیش تھے،پاکستانی لیبر کا کویت کی اولین ترقی میں بہت اہم کردار ہے،ورکرز ویزا بحال ہونے سے پاکستانیوں کے لئے روزگار کے نئے مواقع پیدا ہونگے۔شیخ رشید احمد نے کہاکہ کاروباری ویزا بحالی سے دونوں ملکوں کے درمیان تجارت بڑھے گی۔

Sharing is caring!

Categories

Leave a Reply

Your email address will not be published. Required fields are marked *