چوبیس گھنٹوں کےد وران 2 ہزار سے زائد مریض صحت یاب ہو کر گھروں کو چلے گئے

لاہور (آن لائن) ملک میں کرونا وباء کے روزانہ کیسز میں کمی آتی جارہی ہے ، گزشتہ چوبیس گھنٹوں کے دوران ملک بھر میں 2455 مریض رپورٹ ہوئے جبکہ 73افراد جاں بحق ہوئےجبکہ 21سو چھتیس مریض صحتیاب ہو کر گھروں کو چلے گئے ہیں ۔ دوسری جانب پنجاب بھر کے سرکاری ہسپتالوں میں کورونا وائرس سے متاثرہ 290089 مریض اب تک صحت یاب ہونے کے بعد

گھروں کو واپس چلے گئے ہیں جبکہ گزشتہ 24 گھنٹوں کے دوران 407 کورونا کے مریض صحت یاب ہو گئے۔یہ بات سیکرٹری سپیشلائزڈ ہیلتھ کیئر نبیل اعوان نے بتائی۔اُنہوں نے کہا کہ پنجاب کے سرکاری ہسپتالوں میں کورونا وائرس کے متاثرین کے لیے 7576 بیڈز مختص کیے گئے ہیں جن میں سے5618 بیڈ زخالی ہیں۔ اِسی طرح لاہور کے سرکاری ہسپتالوں میں کورونا مریضوں کے لیے1648 بیڈز مختص کیے گئے جن میں سے 1218 بیڈز خالی ہیں۔ بیرسٹر نبیل احمد اعوان نے کہا کہ کورونا کی خطرناک وبائی صورتحال کے پیش نظر پنجاب بھر کے سرکاری ہسپتالوں میں کورونا وائرس کے متاثرین کے لیے 3328 بیڈز آئسو لیشن وارڈز میں مختص کیے گئے جن میں سے 2758 بیڈز خالی ہیں۔ اِسی طرح لاہور کے سرکاری ہسپتالوں میں کورونا مریضوں کے لیے 446 بیڈز آئسولیشن وارڈز میں مختص کیے گئے جن میں 358 بیڈز خالی ہیں.انہوں کا کہنا ہے کہ پنجاب کے سرکاری ہسپتالوں میں کورونا مریضوں کے لیے ہائی ڈیپنڈنسی یونٹ (HDU) میں 3459 بیڈ ز مختص کیے گئے ہیں جن میں سے2371 بیڈز خالی ہیں۔ اسی طرح لاہور کے سرکاری ہسپتالوں میں کورونا متاثرین کے لیے HDU میں 927 بیڈز مختص کیے گئے جن میں سے 712 بیڈز خالی ہیں۔ سیکرٹری ہیلتھ نے کہا ہے کہ صوبہ بھر کے سرکاری ہسپتالوں میں کورونا وائرس کے متاثرین کے لیے789 وینٹی لیٹرز کا انتظام کیا گیا ہے جن میں سے300 وینٹی لیٹرز زیر استعمال اور489 وینٹی لیٹرز تاحال خالی ہیں۔ اسی طرح لاہور کے سرکاری ہسپتالوں میں کورونا وائرس کے متاثرین کے لیے284 وینٹی لیٹرز کا انتظام کیا گیا ہے جن میں سے زیر استعمال وینٹی لیٹرز کی تعداد 126 اور 158 وینٹی لیٹرز خالی ہیں

Sharing is caring!

Categories

Leave a Reply

Your email address will not be published. Required fields are marked *