وزیر اعظم عمران خان کی کامیاب پالیسیوں نے دنیا بھر میں اپنا لوہا منوانا شروع کر دیا، پاکستان کو عالمی یوم ماحولیات کی میزبانی مل گئی‎

اسلام آباد(مانیٹرنگ ڈیسک )وزیر اعظم کی ماحول سے متعلق کامیاب پالیسیوں نے دنیا بھر میں اپنا لوہامنوانا شروع کردیا ہے۔ تفصیلات کے مطابق وزیراعظم عمران خان کی ماحولیات سے متعلق کامیاب پالیسیوں کے نتیجے میں پاکستان کو رواں سال پانچ جون کو عالمی یوم ماحولیات کی میزبانی مل گئی، تاریخ میں پہلی بار پاکستان کو ماحولیات کے عالمی دن کی میزبانی کا اعزاز مل

ا۔نجی ٹی وی اے آروائی کے مطابق پاکستان پانچ جون کو ماحولیات کے عالمی دن کے موقع پر موسمیاتی تبدیلی کے حوالے سے اعلانات کرے گا، جس میں بلین ٹری، کلین گرین سمیت الیکٹرک وہیکل پالیسی،نیشنل پارکس،گرین جابز کو بھی اجاگر کیا جائےگا۔کانفرنس میں شرکت کے لئے صرف چار عالمی شخصیات کاچناؤ کیا گیا ہے، جن میں وزیراعظم پاکستان عمران خان بھی شامل ہیں، وزیر اعظم عمران خان چار جون کی رات کو عالمی کانفرنس سے کلیدی خطاب کریں گے۔اس کے علاوہ کانفرنس میں سیکریٹری جنرل یو این، پوپ اور جرمن چانسلر شرکت کریں گے، معاون خصوصی ملک امین نےعالمی یوم ماحولیات کی تیاریاں شروع کردیں، پانچ جون کو اسلام آبادمیں ماحولیات کے حوالے سے میگا تقریب ہوگی۔ واضح رہے کہ گزشتہ سال چین کو عالمی یوم ماحولیات پرانٹرنیشنل کانفرنس کی میزبانی کا اعزاز ملا تھا۔

Sharing is caring!

Categories

Leave a Reply

Your email address will not be published. Required fields are marked *