معذور نوجوان حیدر علی نے حکومتی تعاون سے اپنے روزگار کا خواب پورا کر لیا، عثمان ڈار نے ڈاکو منٹری ٹوئٹر پر پوسٹ کر دی

اسلام آباد (این این آئی)کامیاب جوان پروگرام کے تحت روزگار فراہمی کے اقدامات میں تیزی گئی ،10 ہزار نوجوان مرد خواتین اور خواجہ سرائوں سمیت خصوصی افراد کو بھی رقم ملی گئی۔ تفصیلات کے مطابق کامیاب جوان پروگرام کیسے معذور نوجوانوں کا سہارا بنا؟ ، معاون خصوصی عثمان ڈار نے خصوصی ڈاکومنٹری ٹوئٹر پر پوسٹ کر دی،معذور نوجوان حیدر علی نے حکومتی تعاون سے اپنے روزگار کا خواب پورا کر لیا۔ حیدر علی نے کہاکہ معذوری کے باعث مالی حالات پریشان کن تھے، ایم اے تعلیم حاصل کی مگر معذوری کے باعث روزگار نہ مل سکا۔ انہوںنے کہاکہ کامیاب جوان پروگرام

کے بارے میں پتا چلا تو قرض کیلئے اپلائی کیا، ایک ماہ میں بغیر کسی سفارش اور ضمانت کیکاروبار کیلئے قرض مل گیا۔ انہوںنے کہاکہ کامیاب جوان کی ٹیم کا شکرگزار ہوں کہ وہ میرا بازو بنے۔معاون خصوصی عثمان ڈار نے کہاکہ وزیراعظم کی سرپرستی میں کمزور طبقے کی خوشحالی کیلئے کام کر رہے ہیں، حیدر علی بہت سے نوجوانوں کیلئے ایک زبردست مثال ہیں۔ انہوںنے کہاکہ منصوبہ معاشرے کے کمزور اور پسے ہوئے طبقات کو مالی معاونت فراہم کر رہا ہے، قرضہ سکیم سے اب تک دس ہزار سے زائد افراد کو ساڑھے آٹھ ارب روپے جاری کر دیے گئے ہیں۔ انہوںنے کہاکہ حیدر علی سمیت معاشرے کے ہزاروں خاندانوں کیلئے کامیاب جوان پروگرام اْمید کی کرن ثابت ہو رہا ہے، آئندہ چند ماہ میں ہزاروں نوجوانوں کو رقم کی تقسیم کا عمل مکمل کیا جائیگا۔انہوںنے کہاکہ وزیراعظم کی ہدایت کے مطابق قرض کی تفصیلات عوام کے سامنے لانے کا بجی فیصلہ ہو چکا ہے ۔

Sharing is caring!

Categories

Leave a Reply

Your email address will not be published. Required fields are marked *