30 سال کی عمر کے افراد کو کل سے کورونا ویکسین لگانے کا فیصلہ‎‎

اسلام آباد (این این آئی)نیشنل کمانڈ اینڈ آپریشن سینٹر نے 30 سال کی عمر کے افراد کیلئے(آج) ہفتہ سے کورونا ویکسی نیشن کا اعلان کردیا۔ٹوئٹر پر جاری بیان مین وفاقی وزیر اور این سی او سی کے سربراہ اسد عمر نے کہا کہ این سی او سی کے اجلاس میں 30 سال کے افراد کو ویکسین لگانے کا فیصلہ کیا گیا ہے۔انہوں نے بتایا کہ ہفتہ سے 30 سال اور اس سے زائد عمرکے افراد کو

ویکسین لگانے کا عمل شروع کر دیا جائے گا ، ویکسین شیڈول میں شامل 30 سال اور زائد عمر کے افراد کو میسج موصول ہونے شروع ہو جائینگے ۔دوسری جانب وزارت صحت نے کورونا ویکسین کے سائیڈ ایفیکٹس کی تفصیلات جاری کردیں۔وزارت صحت کی جانب سے 15 مئی تک لگائی گئی ویکسین کے سائیڈ ایفیکٹس کی تفصیلات جاری کی گئی ہیں۔وزارت صحت کی رپورٹ کے مطابق ویکسین لگوانے والے 38 لاکھ افراد میں سے صرف 4329 افراد میں منفی اثرات سامنے آئے جن میں سے منفی اثرات والے 35.7 فیصد افراد کو بخار یا کپکپی کی شکایات تھیں جب کہ ویکسین لگوانے والے 33.1 فیصد افراد کو انجیکشن لگانے والی جگہ پر درد کی شکایات تھیں۔رپورٹ میں بتایا گیاکہ 15.4 فیصد منفی اثرات والے افراد کو سر درد، جسم میں درد اور فلو کی شکایات ہوئیں جب کہ ویکسین لگوانے والے6.7 فیصد افرادکو ڈائیریا، 8.9 فیصد کو ہلکی نوعیت کی شکایات ہوئیں۔

Sharing is caring!

Categories

Comments are closed.