عمران نیازی کا ضمانتی اْس کا اپنا چپڑاسی ہے اللہ کی شان،رانا ثناء اللہ کا وزیراعظم کا نام ای سی ایل میں ڈالنے کا مطالبہ ، شیخ رشید کو بھی کھری کھری سنا ڈالیں

اسلام آباد (این این آئی)پاکستان مسلم لیگ (ن) پنجاب کے صدر رانا ثناء اللہ خاں نے وزیر داخلہ شیخ رشید کے بیان پر ردعمل کا اظہار کرتے ہوئے کہا ہے کہ شیخ رشید خود پڑھ نہیں سکتا تو کسی اور سے لاہور ہائیکورٹ کے 3 فاضل جج صاحبان کا حکم پڑھا لے ۔ اپنے بیان میں انہوں نے کہاکہ اس حکم میں لکھاہے کہ کسی قسم کی کمشن، کک بیک، 110 گواہان، 58 والیمز میں شہباز شریف کا نام نہیں ہے۔ انہوں نے کہاکہ شہباز شریف کی بجائے رنگ روڈ کے رنگ ماسٹر عمران نیازی کا نام ای سی ایل میں

شامل کیاجائے۔ انہوں نے کہاکہ عمران نیازی کا ضمانتی اْس کا اپنا چپڑاسی ہے اللہ کی شان ہے ،آٹا چینی بجلی گیس دوائی ایل این جی چور عمران نیازی کا نام ای سی ایل میں شامل کیا جائے۔ انہوں نے کہاکہ ملکی معیشت منفی 0.4 فیصد پر لانے والے عمران نیازی کا نام ای سی ایل میں ڈالا جائے ۔ انہوں نے کہاکہ عوام کو 19 فیصد مہنگائی اور ملک کو 14000 ارب کے تاریخی قرض کی دلدل میں گرانے والے عمران نیازی کا نام ای سی ایل میں شامل کیا جائے۔ انہوں نے کہاکہ 5.8 فیصد پر ترقی کرتی معیشت کی تباہی اور کروڑوں بے روزگاروں کے مجرم عمران نیازی کا نام ای سی ایل میں شامل کیا جائے۔ انہوں نے کہاکہ کشمیر کی سوداگری کا ورلڈ کپ لینے والے عمران نیازی کا نام ای سی ایل میں شامل کیا جائے ۔ انہوں نے کہاکہ 23 خفیہ اکاؤنٹس، فارن فنڈنگ سے ملک کے خلاف سازش کرنے والے عمران نیازی کا نام ای سی ایل میں شامل کیا جائے۔ رانا ثناء اللہ خاں نے وزیر داخلہ شیخ رشید کے بیان پر ردعمل کا اظہار کرتے ہوئے کہا ہے کہ شیخ رشید خود پڑھ نہیں سکتا تو کسی اور سے لاہور ہائیکورٹ کے 3 فاضل جج صاحبان کا حکم پڑھا لے ۔

Sharing is caring!

Categories

Comments are closed.