پنجاب اور سندھ میں کسی بھی جگہ شوال کا چاند نظر نہیں آیا

اسلام آباد (مانیٹرنگ ڈیسک) پاکستان میں شوال کا چاند دیکھنے کے لئے مرکزی اور زونل رویت ہلال کمیٹیوں کے اجلاس جاری ہیں، پنجاب اور سندھ کی کئی زونل کمیٹیوں نے چاند نظر نہ آنے کی اطلاع دی ہے، پنجاب اور سندھ میں زونل کمیٹیوں کے اجلاس ختم ہو چکے ہیں۔ اسلام آباد، سکھر، کراچی اور لاہور میں چاند نظر نہیں آیا، مولانا عبدالخبیر کا کہناہے کہ ملک بھر میں ابھی تک کہیں بھی چاند نظر نہیں آیا ہے۔ شوال کا چاند دیکھنے کے لئے مرکزی و زونل کمیٹیوں کے اجلاس جاری ہیں۔ ابھی تک ملک

بھر میں کہیں سے بھی چاند نظر آنے کی اطلاع موصول نہیں ہوئی ہے، مرکزی رویت ہلال کمیٹی کا اجلاس اسلام آباد میں جاری ہے جہاں پر چاند کی رویت کے حوالے سے شہادتیں اکٹھی کی جائیں گی اور پھر باضابطہ اس کا اعلان کیا جائے گا۔ نماز مغرب کے وقفے کے دوران مرکزی رویت ہلال کمیٹی کے چیئرمین مولانا عبدالخبیر آزاد کا کہنا تھا کہ ابھی کسی علاقے سے چاند نظر آنے کی شہادت موصول نہیں ہوئی ہے، چاروں صوبائی دارالحکومتوں میں بھی زونل کمیٹیوں کے اجلاس جاری ہیں۔

Sharing is caring!

Categories

Comments are closed.