وزیراعظم نے عمرہ کی سعادت حاصل کرلی عمران خان کیلئے بیت اللہ کے دروازے بھی کھول دیئے گئے

مکہ مکرمہ ،مدینہ منورہ (اے پی پی)وزیرِ اعظم عمران خان نے اتوار کو عمرہ کی سعادت حاصل کی۔وزیر اعظم میڈیا آفس سے جاری بیان کے مطابق طوافِ سے پہلے وزیرِ اعظم کیلئے بیت اللہ کے دروازے کھول دیئے گئے اور زیارتِ خاص کروائی گئی۔یاد رہے کہ گزشتہ روز وزیرِ اعظم عمران خان نے اپنے وفد کے

ہمراہ روضہ رسول صلی اللّہ علیہ وسلم پر حاضری دی ۔ وہ سعودی ولی عہد شہزادہ محمد بن سلمان کی دعوت پر سعودی عرب کے تین روزہ دورے پر ہیں ۔اس موقع پر انہوں نے پاکستان کی ترقی و خوشحالی، امت مسلمہ کی یکجہتی، کورونا وباء سے نجات کے لئے خصوصی دعا کی۔ اس سے پہلے وزیرِاعظم نے وفد سمیت مسجدِ نبوی (صلی اللہ علیہ وسلم) میں افطار بھی کیا اور نمازِ مغرب ادا کی۔وزیرِ خارجہ شاہ محمود قریشی، وزیرِ داخلہ شیخ رشید احمد، گورنر سندھ عمران اسماعیل، گورنر خیبر پختونخوا شاہ فرمان، سینیٹر فیصل جاوید خان اور صوبائی وزیر علیم خان ، معاونِ خصوصی برائے سیاسی مواصلات ڈاکٹر شہباز گل اور وزیرِ اعظم کے نمائندہ خصوصی برائے مذہبی ہم آہنگی مولانا طاہر اشرفی بھی وزیراعظم کے ہمراہ تھے۔قبل ازیں جدہ سے یہاں آمد پر وزیرِ اعظم کا استقبال گورنر مدینہ منورہ امیر فیصل بن سلمان بن عبدالعزیز نے کیا۔

Sharing is caring!

Categories

Comments are closed.