عوام نے این سی او سی کی جانب سے لاک ڈاؤن بارے جاری ہدایات کی دھجیاں اڑا دیں، ویڈیو وائرل

راولپنڈی ، اسلام آباد(این این آئی)عوام نے این سی او سی کی جانب سے لاک ڈاؤن بارے جاری ہدایات کی دھجیاں اڑا دیں، سحری خریداری کی ویڈیو وائرل ہوگئی ،لاک ڈاؤن پر عملدرآمد کروانے والے ذمہ دار اداروں کی محنت پر پانی پھرنے کا خدشہ ہے ،راولپنڈی کے کرتار پورہ فوڈ، اسٹریٹ پر عوام کا جم غفیر رہا

،کرتار پورہ سے چند قدم کے فاصلے پر تھانہ بنی پولیس کی پراسرار خاموشی اختیار کئے رکھی ،کرتار پورہ فوڈ، اسٹریٹ میں دکاندار اور عوام کی جانب سے احتیاطی تدابیر کی دھجیاں اڑا دی گئیں، دریں اثنا این سی او سی کی ہدایات کی روشنی میں پی آئی اے کی چند پروازوں کی شیڈول میں ردوبدل کر دیا گیا ۔ ترجمان پی آئی اے کے مطابق مقامی ائیرپورٹس پر رش کی صورتحال سے بچنے کیلئے یہ فیصلہ کیا گیا،پی کے 9726 ریاض تا لاہور اب ریاض سے سیالکوٹ آئے گی ،پی کے 9247 لاہور تا دمام اب سیالکوٹ سے دمام روانہ ہوگی ، پی کے 262 ابوظہبی اسلام آباد اب ابو ظہبی سے پشاور آئے گی ، اسلام آباد تا القسیم کی پرواز پشاور سے القسیم روانہ ہوگی ۔ ترجمان کے مطابق تمام مسافروں کو بروقت آگاہ کیا گیا ہے ۔

Sharing is caring!

Categories

Comments are closed.