ملینڈا گیٹس کو شادی ختم ہونے کے بعد 100 کھرب روپے ملیں گے‎

نیو یارک (مانیٹرنگ ڈیسک /آن لائن) مائیکرو سافٹ کے بانی بل گیٹس اور ان کی اہلیہ ملنڈا گیٹس کے درمیان 27 برس بعد علیحدگی ہو چکی ہے، یہ دنیا کی سب سے مہنگی طلاق ہوگی۔ غیر ملکی خبر رساں ادارے کی رپورٹ کے مطابق ایک سو پینتالیس اعشاریہ چار ارب ڈالر (224 کھرب روپے) کے مالک بل گیٹس اور ان کی اہلیہ کے درمیان اثاثہ جات کی تقسیم کا معاہدہ پہلے سے

طے نہ ہونے پر عدالت نے دونوں میں مساوی دولت تقسیم کرنے کا حکم سنا دیا۔ امریکی میڈیا کا کہنا ہے کہ عدالتی فیصلے کے تحت ملنڈا گیٹس کو 100 کھرب روپے ملیں گے۔ دوسری جانب بل گیٹس اور ملینڈا گیٹس کی بیٹی جینیفر نے والدین کی 27سال بعد شادی ختم کرنے کے اعلان پر ردعمل دیتے ہوئے کہا کہ یہ ہماری فیملی کیلئے ایک مشکل ترین وقت ہے۔ غیر ملکی خبر رساں ادارے کے مطابق بل گیٹس کی بڑی بیٹی جینیفر گیٹس نے انسٹاگرام پوسٹ کے ذریعے والدین کی علیحدگی پر ردعمل دیا۔انہوں نے کہا کہ وہ والدین کے ذاتی فیصلے پر کوئی تبصرہ نہیں کریں گی، یہ واقعی ہماری فیملی کیلئے ایک مشکل ترین وقت ہے۔جینیفر نے لکھا کہ محبتیں اور احساس کرنے والوں کی وہ شکرگزار ہیں، دنیا بھر سے بھیجے جانے والے پیغامات پر بھی تہہ دل سے ممنون ہیں۔ واضع رہے کہ مائیکرو سافٹ کے بانی اور دنیا کے تیسرے سب سے امیر آدمی بل گیٹس اور ان کی اہلیہ میلنڈا گیٹس نے آپس میں علیحدگی کا فیصلہ کیا ہے۔

Sharing is caring!

Categories

Comments are closed.