عامر لیاقت سے شادی کی دعویدار لڑکی کے معاملہ کا ڈراپ سین

اسلام آباد(مانیٹرنگ ڈیسک)رکن قومی اسمبلی اورپاکستان تحریک انصاف کے رہنما عامر لیاقت سے شادی کی دعویدار لڑکی کے معاملہ کا ڈراپ سین ۔تفصیلات کے مطابق پاکستان تحریک انصاف کے رہنما اور معروف اینکر عامر لیاقت کی تیسری بیوی ہونے کی دعویدار لڑکی ہانیہ خان

کے والد منظر عام پر آ گئے۔ہانیہ خان کے والد طارق پرویز نے عامر لیاقت سے معافی مانگ لی۔ان کا کہنا تھا کہ مجھے اس کے بارے میں کچھ علم نہیں ہے۔میری بیٹی نے عامر لیاقت پر نکاح کا جھوٹا الزام لگایا ہے جس پر میں معذرت خواہ ہوں۔طارق پرویز کا مزید کہنا تھا کہ میری بیٹی کا دماغی توازن ٹھیک نہیں ہے عامر لیاقت رمضان سے قبل ہمارے گھر آئے تھے اور ہماری مدد کی تھی جس کے بعد وہ واپس چلے گئے ۔طارق پرویز نے کہا کہ سب کو معلوم ہے کہ وہ اس وقت ڈپریشن کا شکار ہے۔یاد رہے کہ اسلام آباد سے تعلق رکھنے والی اداکارہ نے سوشل میڈیا پر شیئر کیے گئے ایک ویڈیو پیغام میں عامر لیاقت اور ان کی دوسری اہلیہ طوبی عامر پر الزامات عائد کیے تھے۔ہانیہ خان نے واٹس ایپ گفتگو کے متعدد اسکرین شاٹس بھی سوشل میڈیا پر شیئر کئے اور طوبی عامر پر کالے جادو کے الزامات عائد کئے۔تاہم عامر لیاقت نے اپنی تیسری شادی  کا دعوی مسترد کر دیا تھا۔

Sharing is caring!

Categories

Comments are closed.