میانوالی میں انتہائی افسوسناک واقعہ بیٹا پیدا نہ ہونے پر والد نے3 بیٹیوں کو مارڈالا بچیوں کی عمریں ڈیڑھ سے 4 سال کے درمیان تھیں

میانوالی( آن لائن) میانوالی میں سنگدل باپ نے فائرنگ کر کے3 بیٹیوں کو قتل کردیا ہے۔ ابتدائی معلومات کے مطابق بیٹا پیدا نہ ہونے پر گھر میں جھگڑا رہتا تھا۔پولیس کے مطابق بچیوں کی عمریں ڈیڑھ سے 4 سال کے درمیان تھیں۔

ملزم کو بیٹا پیدا نہ ہونے کا رنج تھا، اس لیے گھر میں جھگڑے رہتے تھے۔تھانہ دائودخیل پولیس کے مطابق ملزم نادر خان نے گھریلو جھگڑے پردو سالہ عائشہ، تین سالہ علیشہ اور چار سالہ عارفہ پر فائرنگ کی۔عائشہ اور علیشہ موقع پر جاں بحق ہوگئیں جبکہ چار سالہ عارفہ ہسپتال پہنچنے کے بعد دم توڑ گئی۔ تینوں بچیوں کی نماز جنازہ داؤد خیل میں ادا کی گئی جس میں لوگوں کی کثیر تعداد نے شرکت کی۔پولیس کے مطابق بچیوں کی فائرنگ سے موت کے بعد باپ کو گرفتار کرلیا گیا ہے۔

Sharing is caring!

Categories

Leave a Reply

Your email address will not be published. Required fields are marked *