فردوس عاشق اعوان کے لہجے میں تکبر اور فرعونیت تھی سوشل میڈیا صارفین نے معافی مانگنے کا مطالبہ کردیا

اسلام آباد(مانیٹرنگ ڈیسک) فردوس عاشق اعوان کی جانب سے سیالکوٹ کی اسسٹنٹ کمشنر کو جھاڑ پلانے پر سوشل میڈیا صارفین کا شدید ردعمل، معافی مانگنے کا مطالبہ کر دیا۔ تفصیلات کے مطابق گزشتہ روز فردوس عاشق اعوان نے سیالکوٹ میں رمضان بازار کا دورہ کیا، جہاں انہوں نے

قیمتوں میں اضافے پر برہمی کا اظہار کرتے ہوئے سیالکوٹ کی خاتون اسسٹنٹ کمشنر سونیا صدف کو جھاڑ پلا دی تھی۔فردوس عاشق اعوان کے سخت اور برے رویے پر سوشل میڈیا صارفین نے شدید غم و غصے کا اظہار کیا۔ یہاں تک کہ تحریک انصاف کے اہم رکن اور وزیراعظم عمران خان کے معاون خصوصی عثمان ڈار نے بھی فردوس عاشق اعوان کے رویے پر افسوس کا اظہار کیا ۔عثمان ڈار نے سماجی رابطوں کی ویب سائٹ ٹویٹرپر اپنے ایک ٹویٹ میں لکھا کہ سیالکوٹ کے رمضان بازار میں اسسٹنٹ کمشنر سونیا صدف کے ساتھ پیش آئے ناخوشگوار واقعے پر افسوس ہوا! میں ذاتی طورپر اسسٹنٹ کمشنر سونیا صدف کو جانتا ہوں وہ ذمہ دار اور قابل آفیسر ہیں! خواتین کا ہمارے معاشرے کے گورننس سسٹم میں کردار انتہائی خوش آئند ہے جسے سراہا جانا چاہیئے۔دوسری  جانب مریم نواز نے بھی اپنے ٹویٹ میں فردوس عاشق اعوان کے رویے کو ناقابل قبول قرار دیتے ہوئے لکھا کہ سول سرونٹس اور بیوروکریٹس پڑھ لکھ کر، محنت کر کے، مقابلے کے امتحان پاس کر کے اس مقام تک پہنچتے ہیں، SELECT ہو کر نہیں آتے۔وزیر ہونے کا مطلب یہ نہیں ہے کہ آپ کو افسران کی تذلیل کا لائسنس مل گیا ہے۔ یہ رعونت قابل قبول نہیں۔ سونیا صدف سے معافی مانگے۔

Sharing is caring!

Categories

Leave a Reply

Your email address will not be published. Required fields are marked *