خاتون اسسٹنٹ کمشنر سونیا صدف نےفردوس عاشق اعوان کوکیا کہا جس پر وہ آپے سے باہر ہو گئیں

سیالکوٹ (مانیٹرنگ ڈیسک /این این آئی)وزیراعلیٰ پنجاب عثمان بزدار کی معاون خصوصی برائے اطلاعات ونشریات ڈاکٹر فردوس عاشق اعوان نے اسسٹنٹ کمشنر (اے سی) سیالکوٹ سونیا صدف کو بازار میں سب کے سامنے ڈانٹ پلادی۔فردوس عاشق اعوان نے سیالکوٹ میں بازار کا دورہ کیا اور اشیائے ضروریہ کی قیمتوں کا جائزہ بھی لیا۔ اس دوران معاون خصوصی نے

اسسٹنٹ کمشنر سیالکوٹ کو بازار میں سب کے سامنے ڈانٹ دیا اور کہا کہ افسر شاہی کی کارستانیاں حکومت بھگت رہی ہے، آپ اے سی ہیں تو عوام کا سامنا کریں چھپ کیوں رہی ہیں؟جس پر خاتون اسسٹنٹ کمشنر سونیا صدف کا کہنا تھا کہ میڈیم اس معاملے پر آرام کیساتھ بھی بات ہو سکتی ہے جبکہ آپ یہ بھی تو دیکھیں کہ بازار میں کتنا رش لگا ہوا ہے ۔ وزیراعلیٰ پنجاب کی معاون خصوصی کا کہنا تھا کہ رش سب کیلئے لگا ہوا ہے کہ آپ کیلئے ہی رش نہیں ہے ، آپ آسمان سے نہیں اتریں ،یہ دیکھیں کہ یہاں پر تھرڈ کلاس فروٹ بیچا جا رہا ہے ،ہم یہاں عوام کو لیٹروں کے ہاتھوں لٹنے کیلئے نہیں چھوڑ سکتے ۔ فردوس عاشق نے کہا کہ ہر شہر کے رمضان بازار کا دورہ کیا مگر سب سے برا حال سیالکوٹ کا ہے، آپ کی حرکتیں ہی اسسٹنٹ کمشنر والی نہیں۔ڈانٹ ڈپٹ کے دوران اسسٹنٹ کمشنر سونیا صدف غصے سے پنڈال سے باہر نکل گئیں۔واقعے کی ویڈیو بھی سوشل میڈیا پر وائرل ہوگئی ہے اور صارفین کی جانب سے ملے جلے ردعمل کا اظہار کیا گیا۔

Sharing is caring!

Categories

Leave a Reply

Your email address will not be published. Required fields are marked *