حالات بہت تیزی سے خراب ہو رہے ہیں، پاکستان میڈیکل ایسوسی ایشن نے ملک میں مکمل لاک ڈائون کا مطالبہ کر دیا

پشاور(مانیٹرنگ +آن لائن)پاکستان میڈیکل ایسوسی ایشن کی جانب سے ملک میں ایک بار پھر مکمل لاک ڈائون کا مطالبہ کر دیا ہے، پی ایم سی کا کہنا ہے کہ کورونا کی تیسری لہر خطرناک ہے اور کیسز میں روز بروز اضافہ ہو رہا ہے،حالات تیزی سے خراب ہو رہے ہیں، آنے والے دنوں میں مشکل صورتحال کا سامنا کرنا پڑ سکتا ہے، کچھ

عرصے کے لئے تمام ٹرانسپورٹ کو بند کر دیا جائے، عوام کو ایک جگہ سے دوسری جگہ جانے سے روکا جائے، پی ایم سی کے رہنمائوں نے کہا کہ اگر احتیاط نہ کی گئی تو ہمیں بھی بھارت کی جیسی صورتحال کا سامنا کرنا پڑ سکتا ہے۔ دوسری جانب خیبرپختونخوا حکومت نے سرکاری اور پرائیویٹ پریکٹس کرنے والے ڈاکٹروں کو دوائوں کے جیزک لکھنے کی ہدایات کر دی گئی ہیں ڈرگ ریگولیٹری اتھارٹی کی جانب سے اعلامیہ جاری ہونے کے بعد چاروں صوبوں کے محکمہ صحت ، ہیلتھ ریگولیٹری اتھارٹی ، محکمہ داخلہ کو آگاہ کیا ہے جس کے بعد سرکاری ہسپتالوں میں تعینات ڈاکٹروں اور پرائیویٹ پریکٹس کرنے والے ڈاکٹروں کو ہدایات جاری کردی گئی ہیں کہ ڈاکٹر نسخہ لکھتے وقت دوا کے نام کے بجائے فارمولہ لکھا جائے تمام پرائیویٹ ہسپتالوں کے انتظامیہ کو بھی اس ضمن میں آگاہ کیاگیاہے کہ وہ اپنے پرائیویٹ ہسپتالوں میں کام کرنے والے ڈاکٹروں کو اس سلسلے میں آگاہ کیا جائے ۔ اوراس بات کو یقینی بنایا جائے کہ تمام دوائوں کا صرف جیزک کا نام لکھا جائے ۔ اور اگر ڈاکٹروں نے ہدایات پر عمل درآمد نہیں کیا اور چھاپہ مار ٹیموں کی جانب سے کسی ڈاکٹر کا نسخہ اس طرح پکڑا گیا تو اس کیخلاف تادیبی کاروائی عمل میں لائی جائیگی تاہم پاکستان میڈیکل ایسو سی ایشن نے اس پر تحفظات کرتے ہو ئے موقف اختیار کیاہے کہ جیز ک میڈیسن کی پالیسی 1976میں ناکامی سے دوچار ہو چکی ہے ۔

Sharing is caring!

Categories

Leave a Reply

Your email address will not be published. Required fields are marked *