وزارت اوورسیز کے ماتحت ادارے تنزلی کا شکار ای او بی آئی کے چیئرمین کے ریٹائرڈ ہونے کے باوجود مشیر وزیراعظم دوبارہ تعیناتی کیلئے کوشاں ، اہم انکشافات

اسلام آباد(آن لائن)وزارت اوورسیز کے ماتحت کام کرنیوالے ادارے دن بدن تنزلی کا شکارہونے لگے ہیں،ای او بی آئی کے چیئرمین کے ریٹائرڈ ہونے کے باوجود ایک مشیر وزیراعظم دوبارہ اس کی تعیناتی کے لیے دن رات کوششوں میں مصروف ،جبکہ او پی ایف کا مایہ ناز پراجیکٹ ہائوسنگ بھی پرائیویٹ کمپنی کی نذر ہونے لگا ہے ،ادھار کا مانگا ہوا ڈی جی

ہائوسنگ لاہور اور اسلام آباد میں ڈیوٹی ہونے کے باعث پورا ماہ موٹروے پر ٹی اے ڈی اے بنانے میں فراٹے مارنے میں مصروف ہے ،معلومات کے مطابق مشیر اوورسیز سید ذوالفقار بخاری اوورسیز پاکستانیز کی خدمت کرنے میں مکمل طور پر ناکام ہو کر رہ گیا ہے،سفارش کلچر اور اقربا پروری نے انہیں بھی اپنے شکنجہ میں لے لیا ہے ،ادھر ای او بی آئی کے سابق چیئرمین اظہر حمید جو کہ کئی ماہ قبل ریٹائرڈ ہو چکے ہیں اور ان کو دوبارہ ،،ای او بی آئی ،،کا چیئرمین بنوانے کے لیے ادارے کا ہی مستقبل تاریک کیا جانے لگا ہے ،سابق چیئرمین اظہر حمید نے اپنی کارگردگی دکھانے کے لیے ایک پرائیویٹ کمپنی سے سروے کروا کر وزارت اور مشیر وزارت کو رام کیا تھا مگر حقائق اس کے برعکس ہیں اور ادارہ کے فنڈز دن بدن تنزلی کا شکار ہو رہے ہیں،دوسری جانب مشیر وزیر اعظم سید ذوالفقار کے زیر سایہ اوورسیز پاکستانیز فائوندیشن ہے اور انہوں نے گزشتہ دوسال سے کوئی کارگردگی کا مظاہر ہ نہ کیا ہے ،ادھر ذرائع کا کہنا ہے

کہ ڈائریکٹ جنرل ہاوسنگ رائے حیات جو کہ لاہور میں ریجنل ہیڈ کے طور پر بھی کام کر رہے ہیں ایک دفتر لاہور اور جبکہ دوسر ا اسلام آباد ہے ،اور دونوں کا ستیاناس ہو چکا ہے ،ناقص حکمت عملی کے باعث دو نوں اہم پراجیکٹس کو سوچی سمجھی ساز ش کے طور پر تباہ کیا جانے لگا ہے ۔

ادھر ذرائع کا کہنا ہے کہ ڈی جی ہائوسنگ نے ہائوسنگ پراجیکٹس ایک پرائیویٹ کمپنی ،،ہائوس بک،کو سونپ رکھے ہیں اور تمام خرید و فروخت اسی کمپنی کے ذریعہ ہی ہونے کا انکشاف ہوا ہے ،ذرائع کا کہنا ہے کہ بہت جلد پرائیویٹ کمپنی کے ذریعہ لین دین پر اربوں روپے کا میگا سیکنڈل رونما ہوسکتا ہے اور اس میں مشیر وزارت کے ملوث ہونے کا بھی خدشہ ہے ۔

Sharing is caring!

Categories

Leave a Reply

Your email address will not be published. Required fields are marked *