10 سال کہیں بھی ناانصافی کا سن کر پہنچ جانیوالے کو آخر انصاف مل گیا (ن )لیگ میں ملک میں فوری طور پر عام انتخابات کروانے کا مطالبہ کردیا

لاہور ( آن لائن ) مسلم لیگ (ن) کی نائب صدر مریم نواز نے کہا ہے کہ دس سال کہیں بھی ناانصافی کا سن کر پہنچ جانے والے کو آخر انصاف مل گیا،ان کا جرم صرف وفا نوازشریف نکلا۔ قومی اسمبلی میں قائد حزب اختلاف شہباز شریف کی ضمانت منظور ہو نے کے بعد سما جی رابطوں کی ویب سائٹ ٹویٹر پر اپنے ایک پیغام میں کہا کہ شہباز شریف کا مقابلہ کرنا

ہے تو خدمت میں کرو ، جھوٹے مقدمات کے ذریعے خدمت کے نشان نہیں مٹائے جاسکتے۔ جتنی مرتبہ بھی شہباز شریف صاحب کو گرفتار کیا، ان کا جرم صرف وفا نواز شریف نکلا۔دس سال کہیں بھی ناانصافی کا سن کر پہنچ جانے والے کو آخر انصاف مل گیا۔ دوسری جانب مسلم لیگ ن پنجاب کے نائب صدر رانا ثناء اللہ نے کہا ہے کہ لاہور ہائیکورٹ کے لارجر بنچ نے شہباز شریف کی بے گنا ہی کی گواہی دیدی ہے ، کٹھ پتلی سلیکٹڈ وزیراعظم نے ملک و قوم کے تین سال ضا ئع کر دیئے ، انتقا م کی سیاست زمین بو س ہو گئی ہے، ملک میں فی الفور صاف و شفاف انتخابات کرائیں جائیں ۔شہباز شریف کی ضمانت کے فیصلے کے بعد میڈیا سے گفتگو کرتے ہوئے رانا ثناء اللہ کا کہنا تھا شہباز شریف کی رہائی پر اللہ تعالیٰ کا شکر ادا کرتے ہیں، لاہور ہائیکورٹ کے تین رکنی لارجر بینچ نے متفقہ طور پر ہماری بے گناہی کی گواہی دی ہے، سلیکٹڈ حکمران نے ملک و قوم کے تین سال کیوں ضائع کیے ان تین سالوں میں ملک کی معیشت کو برباد کر کے رکھ دیا

گیا اس نااہل ، نکمے اور کٹھ پتلی وزیراعظم نے ملک میں صرف انتقام اور بربادی کی ۔ انہوں نے کہا کہ لاہور ہا ئیکور ٹ کے فیصلے کے بعد انتقام کی سیاست زمین بوس ہوئی ہے ، کٹھ پتلی سلیکٹڈ حکمرانوں کے دن گنے جا چکے ہیں، نواز شریف اور شہباز شریف کی قیادت میں پاکستان آگے بڑھے گا۔رہنما ن لیگ نے کہا کہ ملک میں صاف شفاف انتخابات کروائے جائیں، تمام مسائل کا واحد حل فری فیئر الیکشن ہے ۔

Sharing is caring!

Categories

Leave a Reply

Your email address will not be published. Required fields are marked *