پی ڈی ایم کواب اسی صورت میں بچایا جاسکتا ہے اگر۔۔۔ پیپلز پارٹی کی اپوزیشن اتحادکو بچانے کیلئے تجاویز سامنے آگئیں ن لیگ نے بھی اپنا فیصلہ سنا دیا

اسلام آباد،لاہور(مانیٹرنگ ڈیسک، آن لائن)پاکستان پیپلز پارٹی کی طرف سے پی ڈی ایم کی قیادت کو پیغام دیا جا رہا ہے کہ پی ڈی ایم کو بچانے کے لئے متنازعہ معاملات سربراہی اجلاس میں زیر بحث نہ لائے جائیں تو حکومت کے خاتمے کے لئے آئینی طریق کار کے تحت آج بھی فائنل

رائونڈ کھیلا جا سکتا ہے۔روزنامہ جنگ میں وارث حیدری کی شائع خبر کے مطابق پیپلز پارٹی مختلف جماعتوں میں پایا جانے والا تنائوکم کرنے کیلئے متنازعہ امور پر بحث کرنے سے گریزاں ہے۔پیپلز پارٹی سمجھتی ہے کہ اگر سید یوسف رضا گیلانی کے انتخاب کو زیر بحث لایا گیا تو اس سے معاملات مزید بگڑنے کا اندیشہ ہے کیو نکہ ایسی صورتحال میں پیپلز پارٹی پنجاب کے سینٹ الیکشن میں حکمران جماعت کے ساتھ مبینہ ایڈجسٹمنٹ کا سوال اٹھا سکتی ہے۔ذرائع کا کہنا ہے کہ پیپلز پارٹی پی ڈی ایم کو حکومت کے خلاف فائنل رائونڈ کھیلنے کے لئے ایک مرتبہ پھر مرحلہ وار تحاریک عدم اعتماد کی تجاویز دے سکتی ہے۔پی ڈی ایم کی دیگر جماعتیں بھی اتحاد کو بچانے اور فعال بنانے کے لئے کم سے کم نکات پر متفق رہنے کے لئے سرگرم ہیں ۔دوسری جانب پاکستان مسلم لیگ (ن) نے پی ڈی ایم کی احتجاجی تحریک کے حوالے سے پاکستان پیپلز پارٹی کے کردار سے مایوس ہو کر عیدالفطر کے بعد حکومت مخالف تحریک

چلانے اور لانگ مارچ منعقد کرنے کا فیصلہ کیا ہے۔ (ن) لیگی ذرائع کا کہنا ہے کہ پاکستان مسلم لیگ (ن) نے پاکستان پیپلز پارٹی کے بغیر حکومت مخالف تحریک چلانے کے لئے باہمی مشاورت کا آغاز کردیا ہے اور فیصلہ کیا ہے کہ عیدالفطر کے بعد پاکستان مسلم لیگ (ن) پیپلز پارٹی کو پی ڈی ایم سے خیر آباد کہہ کر حکومت کے خلاف تحریک کا آغاز کرے گی۔

Sharing is caring!

Categories

Leave a Reply

Your email address will not be published. Required fields are marked *