ڈیم فنڈ میں ایک اور گھپلے کا انکشاف

اسلام آباد (این این آئی) ریلوے نے ڈیم فنڈ کے نام پر مسافروں کے کرایہ سے کٹوتی کے بعد رقم جمع نہ کروانے کا اعتراف کرلیا۔وزیر ریلوے نے قومی اسمبلی میں تحریری جواب میں کہاکہ ستمبر 2018 سے دسمبر 2020 تک مسافروں سے ڈیم کیلئے 16 کروڑ 34 لاکھ روپے اکٹھے کیے۔ وزیر ریلوے کے مطابق وزیر اعظم کے ڈیم فنڈ میں صرف ایک کروڑ 76 لاکھ روپے جمع کروائے۔دوسری جانب ایک سال کے دوران

ریلوے خسارے میں ریکارڈ اضافہ دیکھا گیا،تفصیل قومی اسمبلی میں پیش کر دی گئی۔ تحریری جواب میں بتایاگیاکہ 2019-20 کے دوران ریلوے خسارہ 53فیصد بڑھا، 2019-20 کے دوران ریلوے کا خسارہ 50 ارب 15 کروڑ روپے رہا۔ تحریری جواب میں کہاگیاکہ 2018-19 کے دوران خسارہ 32 ارب 76 کروڑ روپے تھا،2019/20 میں آمدن 47 ارب 58 کروڑ، اخراجات 97 ارب 74 کروڑ روپے تھے۔

Sharing is caring!

Categories

Leave a Reply

Your email address will not be published. Required fields are marked *