مریم نواز کے بعد مولانا فضل الرحمان کی طبعیت نازساز ہو گئی ، سیاسی سرگرمیاں معطل کر دیں

اسلام آباد(مانیٹرنگ ڈیسک )جمعیت علمائے اسلام ف اور پاکستان ڈیموکریٹک موؤمنٹ کے سربراہ مولانا فضل الرحمان کی طبیعت خراب ہوگئی تاہم ان کا کورونا ٹیسٹ منفی آیا ہے۔ تفصیلات کے مطابق جے یو آئی کے مطابق مولانا فضل الرحمان دو روز سے بخار میں مبتلا ہیں

اور اب سیاسی سرگرمیاں معطل کردی گئیں، وہ ڈی آئی خان میں اپنی رہائش گاہ پر موجود ہیں، مولانا کی کوروناٹیسٹ رپورٹ نیگٹو آئی۔نجی ٹی وی اے آروائی کے مطابق اس حوالے سے ذرایع نے یہ بھی کہا ہے کہ فضل الرحمان نے ناسازی طبع کی وجہ سے سیاسی سرگرمیاں معطل کردی ہیں۔ جمعیت علمائے اسلام ف کے ذرایع کے مطابق ڈاکٹروں نے سربراہ پی ڈی ایم کو مکمل آرام کا مشورہ دیا ہے۔ قبل ازیں ترجمان ن لیگ مریم اورنگزیب کی جانب سے جاری بیان میں بتایا گیا کہ مریم نواز کی طبیعت ناساز ہے، انہیں تیز بخار اور گلے میں شدید درد ہے، مریم نواز نے اپنا کرونا ٹیسٹ بھی کرایا ہے، جس کی رپورٹ تاحال موصول نہیں ہوئی ہے۔مریم اورنگزیب کا مزید کہنا تھا کہ ڈاکٹرز نے نائب صدر مسلم لیگ (ن) کو مکمل آرام کا مشورہ دیا ہے، اسی بنا پر انہوں نے اپنی تمام سیاسی سرگرمیاں منسوخ کردی ہیں۔

Sharing is caring!

Categories

Comments are closed.