پی ٹی آئی کے ایسے اسکینڈل سامنے آئیں گے کہ ن لیگ بھی شرمائے گی، سینئر صحافی نے حیران کن دعویٰ کر دیا ‎

اسلام آباد(مانیٹرنگ ڈیسک ) نجی ٹی وی پروگرام میں سینئر تجزیہ کار عارف حمید بھٹی نے دعویٰ کیا ہے کہ حکمراں جماعت تحریک انصاف کے ایسے ایسے سکینڈل سامنے آئیں گے کہ جنہیں دیکھ کر مسلم لیگ ن والے بھی شرما جائیں گے ۔ انکا کہنا تھا کہ کوئی بھی رہنما ۔

خواہ اس کا تعلق کسی بھی پارٹی سے ہو وہ ہمارے لیے قابل احترام ہیں ۔ مجھے تحریک انصاف کے ایک ایم پی اے نے بتایا کہ پنجاب کی بیورو کریسی ہمارے ساتھ جو کر رہی ہے وہ تو کبھی نواز شریف کیساتھ نہیں ہوا ۔یہاں اگر کسی کیخلاف احتساب ہوتا تو آج ہم ریکوری کی خبریں کررہے ہوتے ۔ گزشتہ روز سینئر صحافی و تجزیہ کار عارف حمید بھٹی نے کہا کہ اسمبلیاں توڑنا ناممکن ہے ،وہ بھی ایسی صورتحال میں جب مہنگائی کا جن عروج پر ہے اور حکومت کوئی بہت بہتر کام نہیں کر سکی، اسمبلیاں توڑنے کا رسک نہیں لیا جائے گا۔عارف حمید بھٹی کا کہنا تھا کہ 14 میں سے 6 لوگوں نے بہت بڑا بیگ لے لیا ہے ۔ 14 لوگوں کا مطلب ہے کہ اگر یہ لوگ واقعی وزیراعظم عمران خان سے ناراض ہیں اور ناراضگی کی وجہ سے یہ لوگ پی ڈی ایم چلے گئے تو عدم اعتماد کی تحریک بھی آ سکتی ہے لیکن میرے خیال میں ایسا کچھ بھی نہیں ہونے والا ہے۔

Sharing is caring!

Categories

Comments are closed.