وزیر اعظم کو بلائیں، نوکری دلائیں، ڈی چوک پر شہری کا درخت پر چڑھ کر انوکھا احتجاج

اسلام آباد(آن لائن)ڈی چو ک اسلام آباد پر سوات سے آئے شہری کا انوکھا احتجاج، وزیر اعظم کو بلائیں،نوکری دلائیں،ورنہ میں درخت سے چھلانگ لگا دونگا،دھمکی د یدی۔تفصیلات کے مطابق گزشتہ روز دلچسپ صورتحال اس وقت پیدا ہوئی جب سوات سے آیا شہری محمد خان ڈی چوک میں درخت پر چڑھ گیا اور مطالبہ کیا کہ میری

وزیر اعظم عمران خان سے ملاقات کرائی جائے۔میں وزیراعظم ہاؤس گیا مجھے نکال دیا گیا،میری توہین ہوئی ہے،میری وزیر اعظم سے فوری ملاقات کرائی جائے اور نوکری دی جائے، ورنہ درخت سے چھلانگ لگا دونگا۔ اس موقع پر پولیس نے منت سماجت کی اور نوکر ی دلانے کے ساتھ ساتھ وزیر اعظم سے ملاقات کا وعدہ کیا تو مذکورہ شہری اترآیا،پولیس نے گرفتار کرکے مزید تفتیش شروع کر دی۔ دوسری جانب وزیر اعظم عمران خان نے کہا ہے کہ سینیٹ الیکشن میں سیاستدانوں کو خریدنے کیلئے منڈی لگی ہوئی ہے، پٹواریوں، تھانیداروں کی کرپشن سے لوگ تنگ ہوتے ہیں لیکن اس سے ملک تباہ نہیں ہوتا ملک تب تباہ ہو تا ہے جب وزیراعظم اور وزرا کرپشن کریں، پاکستان بدقسمتی سے موسم کی تبدیلی سے سب سے زیادہ متاثر ہونے والے 10 ممالک میں شامل ہے، ہم آئی ٹی کے شعبے سے بھرپور فائدہ اٹھائیں گے اور ٹیکنالوجی زون قائم کریں گے۔۔تفصیلات کے مطابق غازی بروتھا میں موسم بہار اور شجرکاری مہم کے حوالے سے تقریب سے خطاب کرتے ہوئے وزیراعظم عمران خان نے کہا ہے کہ یہ درخت آپ کے مستقبل کے لیے اتنا ضروری ہے کہ آپ کو اندازہ نہیں یہ اس لیے ضروری ہے کہ پاکستان بدقسمتی سے موسم کی تبدیلی سے سب سے زیادہ متاثر ہونے والے 10 ممالک میں شامل ہے

اور گرین ہاؤس گیس کے اثرات کی وجہ سے دنیا میں موسم گرم ہو رہا ہے لہٰذا ہمیں یہ سمجھنا چاہیے کہ ہمیں اپنے ملک میں گرم ہوتے ہوئے موسم کے اثرات کو کم کرنے کے لیے ہر چیز کرنی چاہیے اور اس کا ایک ہی طریقہ ہے کہ پاکستان میں 10ارب درخت اگانے کا جو پروگرام ہے اس کو سب کامیاب کریں۔

Sharing is caring!

Categories

Leave a Reply

Your email address will not be published. Required fields are marked *