پی ٹی آئی اہم ترین رہنماسینٹ میں پارٹی ٹکٹ سے دستبردار ہو گئے

اسلام آباد (این این آئی)پی ٹی آئی کے سینیٹر اورنگزیب اورکزئی سینیٹ میں پارٹی ٹکٹ سے دستبردارہوگئے۔تفصیلات کے مطابق جمعہ کو وفاقی وزیر شبلی فراز اور اعظم سواتی سینیٹر اورنگزیب اورکزئی کے گھر گئے ان کے ہمراہ سینیٹر سجاد حسین،سینیٹر مرزا آفریدی اور

نصیب اللہ بازئی بھی تھے۔ بعد ازاں میڈیا سے گفتگو کرتے ہوئے وفاقی وزیر اطلاعات ونشریات نے کہا کہ سینیٹر اورنگزیب خان نے فراغ دلی اور جذبے سے وزیراعظم عمران خان کا فیصلہ قبول کیا ہے۔ انہوں نے کہا کہ سینیٹر اورنگزیب خان نے سینٹ میں پی ٹی آئی کا موقف پرزور طریقے پیش کیا ہے۔ انہوں نے کہا کہ سینیٹر اورنگزیب خان پارٹی کا اثاثہ ہے مستقبل میں بھی انکی خدمات حاصل کرینگے۔وزیر ریلوے اعظم خان سواتی نے کہا کہ سینیٹر اورنگزیب خان کا تہہ دل سے مشکور ہیں جنہوں نے پارٹی قیادت کے فیصلے کو قبول کیا۔ انہوں نے کہا کہ سینیٹر اورنگزیب خان کی خدمات کے اعتراف میں آج ہم یہاں آئے۔ انہوں نے کہا کہ وزیراعظم عمران خان کی قیادت میں آئندہ انتخابات میں بھاری اکثریت سے کامیاب ہونگے۔ اس موقع پر سینیٹر اورنگزیب نے کہا کہ عمران خان کا وژن ہمارے لئے قابل قدر ہے،یہ ضروری نہیں کہ ہر وقت میں ہم سینیٹر ہوں،وقت کا تقاضا ہے کہ عمران خان کا ساتھ دیں۔ انہوں نے کہا کہ ہم محب وطن ہے ہر مشکل میں وزیراعظم عمران خان کے ساتھ رہیں گے۔‎

Sharing is caring!

Categories

Leave a Reply

Your email address will not be published. Required fields are marked *