میٹرک فیل لڑکی کی غلامی قبول نہیں، ن لیگ آزاد کشمیر کے بانی سردار سکندر حیات نے مریم نواز کو میٹرک فیل قرار دے دیا

اسلام آباد (مانیٹرنگ ڈیسک) لڑکی کی غلامی قبول نہیں اور اس لڑکی کی بالکل بھی نہیں جو میٹرک فیل ہو، سابق وزیراعظم آزاد کشمیر سکندر حیات نے مریم نواز کو میٹرک فیل قرار دے دیا، سماجی رابطے کی ویب سائٹ ٹوئٹر پر بابر عباسی نامی صارف نے آزاد کشمیر مسلم لیگ (ن) کے بانی سردار سکندر حیات کی گفتگو کی ایک ویڈیو

شیئر کی جس میں انہوں نے کہا کہ لڑکی کی غلامی قبول نہیں اور اس لڑکی کی بالکل بھی نہیں جو میٹرک فیل ہو، سابق وزیراعظم آزاد کشمیر و بانی ن لیگ سردار سکندر حیات نے مریم نواز کو میٹرک فیل قرار دے دیا اور کہا کہ میٹرک فیل لڑکی عمران خان کو کہتی ہے یہ یونین کونسل نہیں چلا سکتا، کتنے شرم کی بات ہے۔ لوٹ مار کرتے ہیں، کسی نے کہاکہ الزام لگاتے ہیں، سردار سکندر حیات نے کہاکہ نواز شریف میری کار چھین کر لے گیا تھا، اس موقع پر قہقہے لگ گئے۔ انہوں نے کہاکہ وہ انکار کریں کہ ایسا نہیں ہوا تھا، جب نواز شریف پر برا وقت آیا تو واپس بھیج رہے تھے تو اس وقت میں نے کہا کہ نہیں آپ رکھیں۔ ہم ایک دوسرے کو جانتے پہچانتے ہیں۔ دوسری جانب مظفرآباد میں مسلم ن کی حکومت کو بڑا دھچکا،سابق وزیراعظم آزاد کشمیر سکندر حیات کے صاحب زادے فاروق سکندر وزارت سے مستعفی ہو گئے،وزیر اعظم آزاد کشمیر نے استعفیٰ منظور کرلیا ہے۔آزاد کشمیر کابینہ میں فاروق سکندر کے پاس وزرات مال و کسٹوڈین کا قلم دان تھا، وزیراعظم راجہ فاروق حیدر کی جانب سے استعفی منظور کرنے کے بعد نوٹیفکیشن جاری کر دیا گیا ہے۔ یاد رہے کہ چند روز قبل فاروق سکندر کے والد اور سابق وزیراعظم سکندر حیات بھی مسلم لیگ ن کو خیر آباد کہہ گئے تھے۔

Sharing is caring!

Categories

Leave a Reply

Your email address will not be published. Required fields are marked *