پی ٹی آئی کے 8 باغی ارکان نے علیحدہ گروپ بنالیا

لاہور(مانیٹرنگ ڈیسک، این این آئی )سینیٹ انتخابات سے قبل پی ٹی آئی کو ایک اور جھٹکا لگ گیا، 8 اراکین نے الگ گروپ بنا لیا۔میڈیا رپورٹس کے مطابق سینیٹ انتخابات میں پاکستان تحریک انصاف کا باغی گروپ سامنے آ گیا۔ پی ٹی آئی کے 7 سے 8 اراکین اسمبلی نے اپنا

علیحدہ گروپ تشکیل دے کر قیادت کو سخت پیغامات بھجوانا شروع کر دئیے ہیں۔ان کا موقف ہے کہ ان کے حلقے کو نظرانداز کیا جا رہا ہے۔ترقیاتی فنڈز میں بہتر حصہ نہیں دیا جا رہا اور ان کو مسلسل نظرانداز کیا جا رہا ہے۔اگر سلسلہ اسی طرح جاری رہا تو وہ الیکشن پراسس میں شامل نہیں ہوں گے۔دوسری جانب وفاقی وزیر سائنس اینڈ ٹیکنالوجی فواد چوہدری نے کہا ہے کہ حفیظ شیخ باآسانی سینیٹ کی نشست جیت جائیں گے ، عامرلیاقت ہمارے لاڈلے ہیں ان کو منالیں گے۔نجی ٹی وی سے گفتگو کرتے ہوئے انہوں نے کہا کہ پی ٹی آئی نے اس بار اکثریت ٹکٹ دیرینہ کارکنان کودی ہیں، حفیظ شیخ باآسانی سینیٹ انتخاب جیت جائیں گے ، عامرلیاقت ہمارے لاڈلے ہیں ان کو منا لیں گے ۔فواد چوہدری کا کہنا تھا کہ یوسف گیلانی جیسے سینئر سیاستدان کے بجائے بلاول پارٹی کو لیڈکررہے ہیں، نہیں سمجھ آتاکیوں یوسف گیلانی کی سیاست ختم کرنے کی کوشش کی گئی۔انہوں نے کہا کہ قانونی حیثیت یہ ہے کہ سینیٹ انتخاب اوپن بیلٹ سے ہوں۔واضح رہے کہ سینٹ ٹکٹوں کی تقسیم کے معاملے پر حکمران جماعت کے اندر سے شدید اختلافات سامنے آرہے ہیں ۔

Sharing is caring!

Categories

Leave a Reply

Your email address will not be published. Required fields are marked *