عمران خان اب استعفیٰ کیوں نہیں دیتا؟ کہاتھا پانچ ہزار لوگ آجائیں تو استعفیٰ دے دوں گا؟،بجلی کی قیمت میں مزید اضافہ ظلم کی انتہاء ہے،خوراک، بجلی، گیس، پٹرول کی قیمتوں میں بار بار اضافہ، عوام پر ظلم کے پہاڑ توڑے جارہے ہیں، ن لیگ برس پڑی

اسلام آباد (این این آئی)پاکستان مسلم لیگ (ن) خیبرپختونخوا کے صدر انجینئر امیر مقام نے سرکاری ملازمین پر تشدد ،گرفتاریوں، بجلی کی قیمتوں میں اضافے کی شدید مذمت کرتے ہوئے کہا ہے کہ پرامن سرکاری ملازمین پر بہیمانہ تشدد، گرفتاریاں کرکے عمران خان نے خود کو ریاست کوفہ ثابت کیا ہے ،عمران خان اب استعفیٰ کیوں نہیں دیتا؟ کہاتھا پانچ ہزار لوگ آجائیں تو استعفیٰ دے دوں گا؟

بجلی کی قیمت میں مزید اضافہ ظلم کی انتہاء ہے،خوراک، بجلی، گیس، پٹرول کی قیمتوں میں بار بار اضافہ کرکے عوام پر ظلم کے پہاڑ توڑے جارہے ہیں ۔ایک بیان میں پاکستان مسلم لیگ (ن) خیبرپختونخوا کے صدر انجینئر امیر مقام نے سرکاری ملازمین پر تشدد ،گرفتاریوں، بجلی کی قیمتوں میں اضافے کی شدید مذمت کی ہے۔ انہوں نے کہا کہ پرامن سرکاری ملازمین پر بہیمانہ تشدد، گرفتاریاں کرکے عمران خان نے خود کو ریاست کوفہ ثابت کیا ہے ۔ انہوں نے کہا کہ عمران خان اب استعفیٰ کیوں نہیں دیتا؟ ،عمران خان نے تو کہاتھا کہ پانچ ہزار لوگ آجائیں تو استعفیٰ دے دوں گا؟۔ انہوں نے کہا کہ سرکاری ملازمین پر ڈنڈے برسائے گئے، تنخواہوں میں اضافے اور ریلیف کی بجائے آنسو گیس اور گرفتاریاں ملیں۔ انہوں نے کہا کہ سرکاری ملازمین کے مطالبات پورے کئے جائیں، گرفتار ملازمین کو فوری رہا کیاجائے۔انہوں نے کہا کہ بجلی کی قیمت میں مزید 1 روپیہ 53 پیسے اضافہ ظلم کی انتہاء ہے، وزیراعظم چور ہے، اس لئے یہ سب ہورہا ہے۔انہوں نے کہا کہ خوراک، بجلی، گیس، پٹرول کی قیمتوں میں بار بار اضافہ کرکے عوام پر ظلم کے پہاڑ توڑے جارہے ہیں ۔انہوں نے کہا کہ عمران خان بتائیں کہ انہیں کیسے پتہ چلا کہ بلوچستان میں سینٹ کا ٹکٹ 50 سے 70 کروڑ میں فروخت ہورہا ہے؟۔انہوں نے کہا کہ عمران خان کو معلوم ہے تو کارروائی کریں، قوم کے سامنے سینیٹ ٹکٹ کی قیمت کے اعلان نہ کریں۔انہوں نے کہا کہ عمران خان کے پاس پہلے بھی ویڈیو موجود تھی لیکن اس نے چھپائے رکھ کر سیاسی مفادپرستی کو مظاہرہ کیا ۔انہوں نے کہا کہ عمران خان کیلئے جہانگیر ترین جب جہاز بھر بھر کر لارہا تھا تو کیا وہ ختم قرآن کیلئے بندے لارہا تھا؟۔انہوں نے کہا کہ عمران خان بنارسی ٹھگ ثابت ہوا ہے، ہر معاملے میں اس کا جھوٹ اور بناوٹ قوم کے سامنے بے نقاب ہوچکی ہے۔

Sharing is caring!

Categories

Leave a Reply

Your email address will not be published. Required fields are marked *