وٹس ایپ پر چلنے والا شخص والا ہماری سیاست ختم کرنے دعوے کررہا ہے،بزدار صاحب 2013ءکے الیکشن میں شہبازشریف سے کس طرح منتیں کرکے ٹکٹ لیا ، حیران کن دعویٰ

لاہور (آن لائن) مسلم لیگ(ن)پنجاب کی سیکرٹری اطلاعات عظمی بخاری نے کہا ہے کہ بزدار صاحب آپ کہاں سے آئے ہیں اور کس کی پرچی پرآئے ہیں یہ سب کو معلوم ہیں،ہماری سیاست ختم کرتے کرتے ڈکٹیٹر مشرف ملک سے بھاگ گیا ہے آپ لوگ کس کھیت کی مولی ہیں؟۔

عثمان بزدار کے بیان پر ردعمل کااظہار کرتے ہوئے عظمی بخاری نے کہاکہ اڑھائی سالوں میں عثمان بزدار نے جنوبی پنجاب کے صرف دورے ،عوام کو پروٹوکول دکھانے کیلئے کیے۔عثمان بزدار نے اپنے دونوں دوروں پر صرف عمران خان کی طرح شیخ چلی والے پلان اور اعلانات ہی کیے۔پی ٹی آئی نے جنوبی پنجاب کے عوام کے ساتھ سب سے زیادہ برا سلوک کیا ہے۔عثمان بزدار کو اب اپنے نام کے ساتھ جنوبی پنجاب کا باسی لگاتے بھی شرم آنی چاہیے۔حیرت کی بات ہے وٹس ایپ پر چلنے والا شخص والا ہماری سیاست ختم کرنے دعوے کررہا ہے۔بزدار صاحب 2013کے الیکشن میں شہبازشریف سے آپ نے کس طرح منتیں کرکے ٹکٹ لیا میں نے حقیقت قوم کو بتادینی ہے،پھر عثمان بزدار کسی کو منہ دیکھانے کے لائق نہیں رہیں گے۔بزدار صاحب آپ صرف اپنی فیملی کو قیمتی جیولری اور مہنگی مہنگی شاپنگ کرائیں پنجاب کے عوام کا اللہ وارث ہے۔

Sharing is caring!

Categories

Leave a Reply

Your email address will not be published. Required fields are marked *