پشاور میں جلسے سے قبل پی ٹی ایم کارکنوں کی پکڑ دھکڑ مختلف دفعات کے تحت مقدما ت بھی درج

پشاور( آن لائن ) پولیس نے پشتون تحفظ موومنٹ (پی ٹی ایم) کے 8 اراکین کو آج ہونے والے عوامی اجتماع سے قبل ہی گرفتار کرلیا۔ میڈیا رپورٹ کے مطابق ڈپٹی کمشنر پشاور نے کووڈ 19 وبا اور سیکیورٹی خدشات کے باعث یکاتوت

تھانے کی حدود میں 5 اور اس سے زائد افراد کے اکٹھا ہونے پر دفعہ 144 کا نفاذ کیا، جہاں اجتماع ہونے جارہا تھا۔پی ٹی ایم نے اپنے رہنما ارمان لونی کی دوسری برسی کے موقع پر سپیریئر سائنس کالج گراؤنڈ میں ایک جلسے کا ارادہ کر رکھا تھا ۔جمعہ کو ڈائریکٹریٹ آف اسپورٹس نے ضلعی انتظامیہ سے کہا تھا کہ وہ عوامی اجتماع کی اجازت نہیں دیں کیونکہ میدان کھیلوں کی سرگرمیوں کے لیے ہے۔ علاوہ ازیں گرفتار کیے گئے 8 پی ٹی ایم کارکنان کے خلاف ایف آئی آر درج کرلی گئی، جس میں یہ مؤقف اپنایا گیا کہ یہ لوگ عوام اجتماع کے لیے تیار کر رہے تھے۔ گرفتار پی ٹی ایم کارکنان میں اسرار شفیع، مولا بہرام، زبیر شاہ، محمد ظہیر، غلام سرور، مشتاق وزیر، نواب خان اور عبداللہ شامل ہیں۔ایف آئی آر میں کہا گیا ہے کہ پولیس نے ملزمان کیخلاف دفعہ 188 اور دفعہ 15 کے تحت مقدمہ درج کیا ہے۔

Sharing is caring!

Categories

Leave a Reply

Your email address will not be published. Required fields are marked *