تھوڑا صبر کریں ، وزیراعظم عمران خان کے استعفیٰ کی پیشکش پر مریم نوازشریف بھی میدان میں آگئیں

لاہور(آن لائن)مسلم لیگ ن کی نائب صدر مریم نواز نے اپنے ایک ٹوئٹ میں کہا ہے کہ ہمارے استعفے“ایماندار بندے”جیسے نہیں ہوں گے کہ سپیکر بلائے تو غائب ہو جاؤ،سڑک پر کھڑے ہو کر صبح شام اسمبلی کو گالیاں دیتے رہو،پھر اْسی اسمبلی میں آ بیٹھو اور سال بھر کی غیر حاضری کی تنخواہیں اور الاؤنسز بھی وصول کرلو،بتاتے ہیں

استعفے کیا ہوتے ہیں، تھوڑا صبر تو کرو۔‎واضح رہے کہ وزیراعظم عمران خان نے اپوزیشن کو چیلنج دیتے ہوئے کہا ہے کہ اگر اپوزیشن والے لوٹی رقم پاکستانی قوم کو واپس کردیں،تو میں کل ہی استعفیٰ دینے کو تیار ہوں 31 دسمبر گزر گیا، 31 جنوری گزر گئی، مگر اپوزیشن کچھ نہ کرسکی، اپوزیشن نہ لونگ مارچ کرسکی نہ ہی لوگوِں کو اکٹھا کرسکی،استعفیٰ دینے کے لئے جرات اور کردار کی ضرورت ہے۔جاری ایک بیان کے مطابق وزیراعظم نے کہا نوازشریف اور ان کا خاندان لوٹی دولت واپس کرے، تمام لوٹی دولت قومی خزانے کو جمع کرادیں۔ٓصف زرداری اور مولانا فضل الرحمان بھی لوٹی دولت واپس کرے۔ساری زندگی اپوزیشن جھوٹے وعدے کرتی رہی۔اخلاقی معیار پرپورا نہیں اتری۔پہلے یہ لوگ استعفیٰ دے رہے تھے اب، سینیٹ الیکشن لڑنے جا رہے ہیں۔ ماضی میں این آر او کرکے جدہ اورسوئٹز لینڈ بھاگے ہو ئے ہیں۔جن کی کرپشن کا پیشہ باہر ہو، وہ کیسے ایماندار ہوں گے۔ دوسری جانب تر جمان پنجاب حکومت ڈاکٹر شاہد صد یق نے کہا ہے کہ حکومتی پالیسیوں سے ملک معاشی بحران سے نکل رہا ہے، عوام کی خدمت کا عزم لے کر آئے ہیں تنقید کی پرواہ کئے بغیر عوامی خدمت کے سفرکو جاری رکھیں گے، حکومت کا کوئی سکینڈل ہے نہ آئیگا، پی ٹی آئی حکومت شفافیت کو فروغ دے رہی ہے۔اپنے جاری بیان میں انہو ں نے کہاکہ پاکستان تحریک انصاف کی ٹیم وزیر اعظم عمران خان کی قیادت میں متحد ہے۔ تحریک انصاف کی حکومت نے شفافیت کے نئے کلچر کو پروان چڑھایا ہے۔ ہر سطح پر شفافیت کو فروغ دے کر قومی وسائل کو بچایا گیا۔ کرپشن کے خلاف زیروٹالرنس کی پالیسی کے مثبت نتائج سامنے آئے ہیں۔ انہوں نے کہاکہ ماضی میں کرپٹ عناصر نے کرپشن کر کے اداروں کو کھوکھلا کیا اور معیشت تباہ و برباد کی۔ موجودہ حکومت کی تمام تر پالیسیاں شفاف اور ملکی مفاد میں ہیں۔

Sharing is caring!

Categories

Comments are closed.