پاکستان وہ واحد ملک ہے جہاں کتے بھی پولیس کے پروٹوکول میں سیر کرنے جاتے ہیں، نیب پر خود کرپشن کے الزامات ہیں، شاہد خاقان عباسی کی تہلکہ خیز باتیں

اسلام آباد(آن لائن)سابق وزیر اعظم شاہد خاقان عباسی نے کہا ہے کہ آج پھر نیب کورٹ میں حاضری ہے،یہ وہ نیب ہے جس پر خود کرپشن کے الزمات ہیں،3 سال میں نیب کو نواز شریف کے خلاف کوئی ثبوت نہیں ملا، چیئرمین نیب جو سپریم کورٹ کا جج رہا ہے پتہ نہیں کون سی ایسی چیز ہے جس وجہ سے اپوزیشن کے خلاف کیسز بنایے

جا رہے ہیں۔ احتساب عدالت کے باہر میڈیا سے گفتگوکرتے ہوئے شاہد خاقان عباسی نے کہاکہ مسلم لیگ نے جب حکومت چھوڑی اس وقت 15 روپے ٹیکس تھا اوراب40 روپے ٹیکس جا رہا ہے،آج پٹرول کی قیمت عالمی منڈی کے حساب سے 70 روپے سے زیادہ نہیں ہونی چاہیے،لیکن آج پٹرول 111 روپے فروخت کیا جارہا ہے،بجلی کا 30 روپے یونٹ لیا جا رہا ہے،ایک عام آدمی کیسے زندگی گزارے،لوگوں کو ریلیف دینے کے بجائے وزیر اعظم ٹیلی فون پر لگے ہیں،4 گھنٹے لگا کر وزیر اعظم نے خود ایڈیٹنگ کر کے1 گھنٹہ عوام کا ضائع کر دیا، شاہد خاقان عباسی نے کہاکہ پاکستان وہ واحد ملک ہے جہاں کتے بھی پولیس کے پروٹوکول میں سیر کرنے جاتے ہیں،جو کام امریکہ نہیں کر سکا وہ ہمارے ملک میں ہو رہا ہے۔دوسری جانب مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ نااہلوں نے غریب عوام کو فاقہ کشی اور خودکشیوں پر مجبور کردیا،ملک نئے بحرانوں کا شکار ہو رہا ہے، نا تجربہ کار حکمران غربت کی بجائے غریب مکاؤ مہم پر عمل پیرا ہیں،مہنگائی، بیروزگاری اور کرپشن بڑھنے سے ملک دیوالیہ پن کی طرف جا رہا ہے۔اپنے جاری بیان میں انہو ں نے کہاکہ ریاست مدینہ کے دعویداروں نے مہنگائی میں اضافہ کرکے غریب عوام کو پریشان کرکے رکھ دیا ہے،کرپشن کے خلاف باتیں کرنے والے عمران خان نے اقتدار میں آکر کرپشن کے ریکارڈ توڑ ڈالے ہیں۔

Sharing is caring!

Categories

Comments are closed.