جمشید دستی کی ایک اور جعلسازی پکڑی گئی ابتدائی تحقیقات میں الزامات بھی ثابت

ملتان(این این آئی)سابق رکن اسمبلی جمشید دستی کی جانب سے ایل ایل بی کے امتحان میں اپنی جگہ کسی اور امیدوارکو بٹھائے جانے کاانکشاف ہوا ۔میڈیا رپورٹ کے مطابق سابق ایم این اے جمشید دستی

کی جعل سازی پکڑی گئی ہے، جامعہ زکریا کی تحقیقاتی کمیٹی کی ابتدائی انکوائری میں انکشاف ہوا ہے کہ سابق ایم این اے جمشید دستی نے گزشتہ برس ایل ایل بی سال اول کا امتحان دیا تھا، اور انہوں نے امتحان میں اپنی جگہ کسی اور امیدوار کو بٹھایا تھا۔کنٹرولر امتحانات جامعہ زکریا پروفیسر امان اللہ کے مطابق جعلسازی کی شکایت موصول ہونے پر انکوائری شروع کی گئی ہے، تحقیقاتی کمیٹی کی ابتدائی انکوائری میں ثابت ہوا ہے کہ جمشید دستی نے ایل ایل بی کے امتحان میں اپنی جگہ کسی اور امیدوار کو بٹھایا تھا۔کنٹرولر امتحانات نے ابتدائی انکوائری رپورٹ وائس چانسلر جامعہ زکریا کو بھجوا دی ہے، معاملہ کی مکمل چھان بین کے لئے اعلٰی سطحی کمیٹی بھی بنا دی گئی ہے

Sharing is caring!

Categories

Comments are closed.