عمران خان کےدستخطوں سے آپریٹ ہونے والے 23خفیہ بینک اکانٹس پکڑےگئے ، مریم نواز کا حیران کن دعویٰ

اسلام آباد(آن لائن)پاکستان مسلم لیگ ن کی مرکزی نائب صدر مریم نواز نے کہا ہے کہ بھارتیہ جنتا پارٹی سے فنڈ لے کرمودی کے جیتنے کی دعائیں مانگیں، عمران خان کے اکاؤنٹس میں اسرائیل اور بھارتی جنتا پارٹی نے ہنڈی کے ذریعے پیسا بھیجا، دھرنوں اور سازشوں میں لگایا پیسہ تمہارے دستخط سے جاری ہوا،بتا!الیکشن جتوانے اورثاقب نثار کا ثاقب امین کا سرٹیفکیٹ دینے

والا یجنٹ کون تھا۔انہوں نے پی ٹی آئی کی فارن فنڈنگ کیخلاف الیکشن کمیشن اسلام آباد دفتر کے باہرپی ڈی ایم کی احتجاجی ریلی سے خطاب کرتے ہوئے کہاکہ آج کہیں غلط فہمی تو نہیں کہ لانگ مارچ آج تھا، جتنا بڑا آج یہاں پر جم غفیر ہے، مجھے تو لگ رہا ہے کہ لانگ مارچ ہے، کان کھول کے سن اور آنکھیں کھول کر دیکھ لو، جس دن عوام لانگ مارچ کیلئے یہاں پر پہنچیں گے تو کیا حال ہوگا، آج ہم شاہراہ دستور پر کھڑے ہیں، دونوں طرف انصاف دینے والے ادارے ہیں، افسوس سے کہتی ہوں جس ملک میں رہتے ہیں وہاں نہ کوئی آئین اور انصاف ہے۔آج الیکشن کمیشن آف پاکستان اس لیے جمع ہوئے ہیں الیکشن کمیشن کو اس کی آئینی ذمہ داری یاد دلائیں، الیکشن کمیشن، چیف الیکشن کمشنر کو بتائیں آپ کا ادارہ پاکستان کا ادارہ اور آئینی ادارہ اور قوم کا ادارہ ہے، یہ وہ ادارہ ہے جس کو عوام کی رائے کا امین اور ووٹ کی عزت کی ذمہ داری عطا کی ہے، یہ وہ ادارہ ہے جس کو عوام کے ووٹ کی عزت کروانی تھی، بتا عوام کی ووٹ کی عزت کروائی ہے؟پاکستان کی تاریخ کے سب سے بڑے فراڈ کی کہانی سناتی ہوں، اس فراڈ کا نام تحریک انصاف فارن فنڈنگ کیس ہے۔فارن فنڈنگ کا کیس2014 میں ساڑھے چھ سال پہلے کیس دائر ہوا تھا، نوازشریف کا کیس دنوں میں چلا، دن میںدودوسماعتیں ہوتی ہیں، لیکن7سال میں ابھی تک 70سماعتیں ہوئی ہیں، جعلی خان جو پاکستان پر عذاب مسلط ہے، اس نے 30بار مقدمے کو ملتوی کروانے کی کوشش کی، کون کہتا تھا کہ چوری نہیں کی تو تلاشی دے دو، اگر چوری نہیں کی تو 30بار مقدمے کو رکوانے کی کوشش کیوں کی؟تابعدارخان نے 6مرتبہ ہائی کورٹ میںدرخواستیں دیں کہ الیکشن کمیشن اس مقدمے کی سماعت نہیں کرسکتا، جانتے ہو کہ ایک کمیٹی ای سی پی نے بنائی، اسکروٹنی کمیٹی،تحقیقاتی کمیٹی بنائی، جس کا کام حقائق عوام کے سامنے رکھنا، اسکروٹنی کمیٹی کو کہا گیا

ان پر ہتھ ہولا رکھو، اسکروٹنی کمیٹی تابعدارخان کی تابعدار بن گئی، ہوش اڑا دینے والے حقائق ہیں، جن کا فیصلہتین دن میں ہوسکتا ہے،جانتے ہو80سماعتوں کے دوران24مرتبہ کاروائی رکوا نے کی کوشش کی، کاروائی کو خفیہ رکھنے کے لیے 4درخواستیں دیں۔جس کا دامن صاف ہو، اس کو خفیہ سماعتوں کی ضرورت نہیں پڑتی، اس کا مطلب بہت بڑی چوری ہوئی ہے،انہوں نے بیانات ہی نہیں 8وکیل بدلے ہیں،

وکیل بدلنے کے بعد بھی چوری نہیںچھپی، اسٹیٹ بینک نے عمران خان کے 23خفیہ بینک اکانٹس پکڑے، یہ عمران خان کے دستخطوں سے آپریٹ ہورہے تھے، عوام سے اپنا جرم چھپایا، اسکروٹنی کمیٹی نے اعتراف کیا کہ حقائق نہیں فراہم کرسکتے کیوں کہ عمران خان نے منع کیا ہے، چورچور کی گردان کرنے والا خود سب سے بڑا چور نکلا، ایک اور جرم یہ ہے کہپیسا پی ٹی آئی اکانٹس میں کیسے آیا؟

ہنڈی کے ذریعے پیسا آیا،جانتے ہو ہنڈی کے ذریعے کون سا پیسا آتا ہے؟ کنٹینر پر اسی لیے کہتا تھا کہ ہنڈی کے ذریعے پیسے منگوا، کیوں کہ یہ خود پیسے منگوا رہا تھا، جانتے کن دوممالک سے ان کو فنڈنگ ہوئی، ایک انڈیا اور دوسرا اسرائیل ہے، وہ اسرائیل جو فلسطینیوں پر مظالم ڈھا رہا ہے۔یہ پیسا خفیہ، ہنڈی کے ذریعے عمران خان کے ذاتی ملازمین کے اکاؤنٹ میں آیا۔ بھارتیہ جنتا پارٹی کے ممبرامبر

جیت دوسان نے دیا، ایک اسرائیلی کمپنی نے پیسا دیا، اسرائیل سے اسے بیری زیشپ نے پیسے دیے، جب بھارتیہ جنتا پارٹی کے لوگوں سے فنڈ لوگے تو مودی کے جیتنے کی دعائیں مانگی جائیں گی، اور کشمیر مودی کی جھولیمیں پھینکنا پڑتا ہے، کہتا پی ڈی ایم سے کوئی فرق نہیں پڑا، اتنا فرق پڑا کہ سات سے دبایا ہوا کیس کھولنا پڑگیا، عوام کے دبا پر جواب دیا کہ میں نے نہیں کیا سب

ایجنٹس نے کیا ہے۔یا خود بے وقوف ہے یا پھر پاکستانی عوام کو بے وقوف سمجھتا ہے۔مریم نواز نے کہا کہ جب تم نوازشریف کیخلاف دھرنوں پر پانی کی طرح پیسا بہارہے تھےاس وقت تم کو نہیں پتا تھا کہ پیسا ایجنٹس کے ذریعے آیا ہے، سات سال بعد یاد آیا پیسے تو ایجنٹس کے ہیں مجھے نہیں پتا، دستخط کرنے کا پتا تھا، پیسا وصول کرنے کا پتا تھا، پیسا منتخب حکومت کیخلاف سازشوں میں استعمال کرنے کا پتا تھا، مگر اربوں کھربوں کا پیسا کہاں سے آیا پتا نہیں، بالکل ایسے ہی کہتا حکومت کی تیاری نہیں تھیاس کی

عوام کی خدمت کی نہیں، عوام کو لوٹنے، مہنگائی کرنے کی پوری تیاری تھی۔اگر یہ سب تمہارے ایجنٹس نے کیا ہے تو ذرایہ بھی بتا 2018 کے الیکشن میں تمہارے بیلٹ باکسز میں ووٹ کس ایجنٹ نے ڈالے، اقتدار میں لانے والے ایجنٹس کون تھے، ثاقب نثار سے ثاقب اور امین کا سرٹیفیکیٹ دینے والے کوں تھے؟ تمہارے لیے میڈیاکو دبا میں لاکر مرضی کی خبریں چلانے والے کون ایجنٹ تھے؟ 22کروڑ عوام کی تباہی کے ذمہ دار ہو، تمہارے ہر جرم اور غلطی پر پردہ ڈالنے والے ایجنٹ کون ہیں؟انہوں نے کہا کہ الیکشن کمیشن پاکستان سے سوال پوچھتی ہوں کہ 2018 کے الیکشن میں ہاتھ پیر باندھ کر آرٹی ایس کو بند کیا گیا آپ کیوں خاموش رہے، ای سی پی کو جب یرغمال بنایا گیا اور تاریخ کے نالائق شخص کوسلیکٹ کیا گیا، تو آپ کیوں نہیں بولے۔

Sharing is caring!

Categories

Comments are closed.