موٹر وے پر انتہائی خوفناک حادثہ جائے وقوعہ پر رقت آمیز مناظر

ٹوبہ ٹیک سنگھ،نوابشاہ(این این آئی) موٹروے پر کار کی ٹریلر سے ٹکر، 3 بچوں سمیت 4 افراد جاں بحق اور دو زخمی ہوگئے ۔ تفصیلات کے مطابق ٹوبہ ٹیک سنگھ موٹروے ایم فور انٹرچینج کے نزدیک شدید دھند کے باعث کار ٹریلر سے ٹکرا گئی،حادثے میں بدقسمت خاندان کے 3 بچوں

سمیت 4 افراد موقع پر ہی جاں بحق اور 2 شدید زخمی ہوگئے۔ریسکیو ذرائع کے مطابق خیرپور سندھ کا رہائشی بدقسمت خاندان اسلام آباد میں اپنے کسی عزیز سے مل کر بذریعہ موٹروے ایم فور واپس خیرپور آ رہا تھا۔ٹوبہ ٹیک سنگھ انٹرچینج کے نزدیک شدید دھند کے باعث ان کی کار سامنے جانے والے ٹریلر سے ٹکرا گئی۔ریسکیو ذرائع کے مطابق حادثے میں 35 سالہ صائمہ 13سالہ مشرا، 9 سالہ حذیفہ اور 3 سالہ معصوم حفصہ موقع پر ہی جاں بحق ہوگئے۔حادثے میں 39 سالہ زبیر اور 7 سالہ حمزہ شدید زخمی ہو گئے ہیں، شدید زخمیوں اور نعشوں کو ریسکیو 1122 کی ٹیم نے ڈسٹرکٹ ہیڈ کوارٹر ہسپتال منتقل کیا۔دوسری جانب نواب شاہ میں قومی شاہراہ پر دھند کے باعث کئی گاڑیاں آپس میں ٹکرانے سے دو افراد جاں بحق اورمتعدد زخمی ہو گئے۔موٹر وے پولیس کے مطابق حادثہ قومی شاہراہ پر دولت پور بائی پاس پر پیش آیا جہاں دھند کے باعث کئی گاڑیاں آپس میں ٹکرا گئیں۔ترجمان موٹروے پولیس کے مطابق حادثے میں دو افراد جاں بحق اور 20 سے زائد زخمی ہوئے۔موٹر وے پولیس کے مطابق حادثے کے زخمیوں کو قاضی احمد اور نوابشاہ ہسپتال منتقل کر دیا گیا ۔

Sharing is caring!

Categories

Comments are closed.