ہر حکومتی اجلاس کی رپورٹ جاتی امرا جانے کا انکشاف حکومت کی طرف سے سازش میں ملوث خاتون برطرف

اسلام آباد(مانیٹرنگ ڈیسک)معروف صحافی رانا عظیم نے حکومتی میٹنگز کی رپورٹس جاتی امرا جانے کا انکشاف کردیا۔ نجی ٹی وی پروگرام میں گفتگو کرتے ہوئے انہوں نے کہا کہ اسلام ا باد اور لاہور کے دو سرکاری اداروں کی ہر میٹنگ کی رپورٹ باقاعدہ جاتی عمرہ جاتی ہے ۔

لاہور میں وزیر اعلی ہائوس اور اسلام آباد میں وزیر اعظم ہائوس ہے ،حکومت کی طرف سے اس معاملے پر ایک خاتون آفیسر کو ہٹایا بھی گیا ۔رانا عظیم نے مزید کہا کہ ایک بڑی قد آور مذہبی اور سیاسی شخصیت بھی مائنس میں جارہی ہے ، اس کا فیصلہ ہوگیا ہے ۔ رانا عظیم کے ان انکشافات کے بعد حکومتی صفوں میں بھی ہلچل دکھائی دی ہے اور یہ معلوم کرنے کی کوشش کی جا رہی ہے کہ آخر حکومتی حلقوں میں ایسا کون ہے جو حکومتی میٹنگز میں ہونے والی باتیں جاتی امرا پہنچا رہا ہے۔سیاسی تجزیہ کاروں نے بھی اس حوالے سے تشویش کا اظہار کیا اور کہا کہ کابینہ میٹنگز میں ہونے والی باتوں کا جاتی امرا پہنچایا جانا حیرت کی بات ہے۔وزیر اعظم عمران خان کو چاہئے کہ وہ اپنے ارد گرد نظر رکھیں اور دیکھیں کہ کون ان کے ساتھ غداری کر رہا ہے۔

Sharing is caring!

Categories

Comments are closed.