عمران نیازی نے ’’اپنے چپڑاسی‘‘ کو وزیر داخلہ بنادیا ‎

اسلام آباد (این این آئی)پاکستان مسلم لیگ (ن) پنجاب کے صدر رانا ثناء اللہ خاں نے شیخ رشید کو وزیرداخلہ بنانے پر تبصرہ کہا ہے کہ عمران نیازی نے ’’اپنے چپڑاسی‘‘ کو وزیر داخلہ بنادیا ۔ اپنے بیان میں انہوںنے کہاکہ عمران نیازی نے تابعداری میں اپنے ’’چپڑاسی‘‘ کو وزیر داخلہ بنایا ،ٹرین حادثات میں 100 بے گناہوں کے قتل کے بعد وزارت داخلہ ’’چپڑاسی‘‘ کو دی گئی۔دوسری جانب وفاقی کابینہ

میں ردوبدل کا باضابطہ نوٹیفکیشن جاری کر دیا گیا ۔ شیخ رشید کو وفاقی وزیر داخلہ ، اعظم خان سواتی کو وفاقی وزیر ریلوے بنانے اور بریگیڈئر (ر) اعجاز شاہ کو وزیر انسداد منشیات کا قلمدان دینے کا نوٹیفیکیشن جاری کر دیا گیا ،ڈاکٹر عبدالحفیظ شیخ کو 6 ماہ کی مدت کے لیے وفاقی وزیر خزانہ بنایا۔ وزیراعظم کی منظوری کے بعد چاروں وزرا کے قلمدانوں میں ردو بدل کا نوٹیفیکیشن جاری کیا گیا۔

Sharing is caring!

Categories

Comments are closed.