مریم نواز کو کھانا کھلانا ” بٹ کڑاہی “ کو مہنگا پڑ گیا ، لینے کے دینے پڑ گئے ‎

اسلام آباد(مانیٹرنگ ڈیسک/آئن لائن )مریم نواز کو’’ بٹ کڑاہی ‘‘کھلانا ہوٹل کے گلے پڑ گیا ، ایس او پیز کی خلاف ورزی ،مقدمہ درج کر لیا گیا ۔ تفصیلات کے مطابق گزشتہ روز 13دسمبر کے حوالے سے مریم نواز نے عوامی رابطہ مہم کے دوران مختلف علاقوں کا دورہ کیا ، جس کے بعد وہ لکشمی چوک بٹ کڑاہی پر پہنچیں جہاں انہوں نے کھانا کھا یا اور کھانے کی تعریف بھی کی ۔

ریسٹورنٹ کے مالک کا مریم نواز کو کھانا کھلانا مہنگا پڑ گیا ایس او پیز کی خلاف ورزی کے باعث مقدمہ درج کر لیا گیا ۔ دوسری جانب مسلم لیگ ن کی مرکزی نائب صدر مریم نواز سمیت200 ن لیگی رہنماؤں کیخلاف مختلف تھانوں میں مقدمات درج کر لیے گئے ۔میڈیا رپورٹ کے مطابق مریم نوازکے خلاف گزشتہ روز ریلی نکالنے پر تھانہ لوہاری گیٹ، گوالمنڈی، مزنگ اوراچھرہ میں مقدمات درج ہیں۔مقدمے میں ایس اوپیزکی خلاف ورزی، اشتعال انگیزتقاریراور دیگردفعات شامل کی گئی ہیں۔ ایس اوپیزکی خلاف ورزی پرہوٹل مالکان کیخلاف بھی مقدمہ درج کیا گیا جنہوں نے مریم نوازاوردیگرلیگی رہنماؤں کو کھانا فراہم کیا تھا۔پولیس نے کورونا ایس  او پیز کی خلاف ورزی ، روڈ بلاک، اشتعال انگیز تقاریر کی دفعات کے تحت  مقدمہ درج کیا۔لاہوری گیٹ تھانے مین مقدمہ پٹواری ملک مبشر کی درخواست پر درج کیا گیا۔  مقدمے میں ساؤنڈ سسٹم فراہم کرنے والے عبدالرحمان کو بھی نامزدکیا گیا ہے۔لیگی رہنما  کامران کاشف گجر محمد طارق اور محمد جاوید کو نامزد کیا گیا ہے۔ مزنگ تھانے میں مقدمہ مریم نواز  لیگی رہنما سمیت دو سو سے زائد کارکنوں کے خلاف درج ہے۔  پولیس نے مقدمہ پٹواری شاہ نواز کی درخواست پر در ج کیا ہے۔

Sharing is caring!

Categories

Comments are closed.