حکومت نے شاہد خاقان عباسی کو بیرون ملک جانے کی اجازت دیدی پی ٹی آئی اور ن لیگ میں معاملات کیسے طے پائے؟تہلکہ خیز انکشافات

اسلام آباد (آن لائن) وفاقی حکومت نے سابق وزیراعظم اور مسلم لیگ (ن) کے سینئر نائب صدر شاہد خاقان عباسی کو ان کی خصوصی درخواست پر 15دن کیلئے بیرون ملک جانے کی اجازت دے دی ہے۔ ذرائع کے مطابق شاہد خاقان عباسی نے خصوصی طورپر درخواست کی تھی کہ انہیں ون ٹائم

بیرون ملک جانے کی اجازت دی جائے اور اس کیلئے ان کا نام ای سی ایل اسے نکالا جائے کیونکہ ان کی بہن اور بہنوئی امریکہ کی ریاست پنسلوانیا میں کورونا وائرس کا شکار ہوچکے ہیں اور ان کی حالت بہتر نہیں ہے اور وہ ان سے ملنے کیلئے جانا چاہتے ہیں۔ ذرائع کے مطابق شاہد خاقان عباسی نے مقتدر حلقوں سے بھی ون ٹائم اجازت دینے کی درخواست کی تھی جس پر حکومت نے بھی انسانی ہمدردی کی بنیاد پر شاہد خاقان عباسی کا نام ای سی ایل سے نکالنے کا فیصلہ کیا ہے۔ ذرائع کے مطابق اس بات کا بھی امکان ہے کہ شاہد خاقان عباسی امریکہ جاتے ہوئے لندن میں بھی رکیں گئے اور ان کی سابق وزیراعظم نواز شریف سے ملاقات کا بھی امکان ہے۔ دوسری جانب ذرائع نے یہ بھی بتایا ہے کہ مسلم لیگ (ن) اور مقتدر حلقوں کے درمیان بیک ڈور رابطے جاری ہیں اور انہی بیک ڈور رابطوں کی وجہ سے شاہد خاقان عباسی کو بیرون ملک جانے کی اجازت دی گئی ہے۔ اس حوالے سے جب وزارت داخلہ کے ترجمان سے رابطہ کیا گیا تو ان کا موقف تھا کہ اس خبر میں کوئی صداقت نہیں ہے تاہم معتبر ذرائع نے تصدیق کی ہے کہ شاہد خاقان عباسی کی خصوصی درخواست پر انہیں بیرون ملک جانے کی اجازت دی گئی ہے۔

Sharing is caring!

Categories

Comments are closed.